Рэчыцкі суд вынес пакараньне Андрэю Клімаву ў выглядзе адміністратыўнага арышту тэрмінам 7 сутак

Палітзьняволенага Андрэя Клімава, які адбывае пакараньне на хіміі за арганізацыю вулічнай акцыі, перавялі ў ізалятар часовага ўтрыманьня на сем сутак - такое рашэньне 13 сакавіка прыняў Рэчыцкі суд.
У судзе міліцыянты патлумачылі, што Клімаў, нібыта, ня выканаў іх указаньняў.
Раней Андрэй Клімаў заявіў, што з набліжэньнем выбараў яго абавязкова ізалююць.
"Яны баяцца мяне мяне нават на «химии» и таму вырашылі схаваць мяне за краты. Паводзіны ўладаў паказваюць іх вялікую няўпэўненасьць у сабе. Гэта, значыць, што мы пераможам», -- сказаў Андрэй Клімаў па тэлефону прэс-цэнтру Хартыі’97 пасьля вынясеньня прысуду.

Нагадаем, два тыдні таму яго перавялі з гораду Крупкі на Меншчыне ў вёску Барошчоўку, Гомельскай вобласьці.