У БРЭСЬЦЕ НЕВЯДОМЫЯ ЗЬВЕЗЬЛІ ДАВЕРАНУЮ АСОБУ АЛЯКСАНДРА МІЛІНКЕВІЧА СЦЯПАНА НАВАСЯЛЬЧАНА

Брэсцкі праваабаронца Уладзімір Вялічкін паведаміў, што каля 10-30 раніцы 14 сакавіка невядомыя запіхнулі ў аўтамабіль Сьцяпана Навасяльчана, давераную асобу кандыдата ў Прэзідэнты ад дэмсіл Аляксандра Мілінкевіча, і зьвезьлі ў невядомым накірунку. Актывіст знаходзіўся каля рэдакцыі газэты "Брэсцкі кур'ер", куды ён прыехаў на сваёй машыне і ў якой яго і зьвезьлі. Спадар Вялічкін мяркуе, што такім чынам дзейнічаюць беларускія праваахоўныя органаў, і накіраваўся на пошукі даверанай асобы ў РАУС.