17 лютага ў 9-30 раніцы на выхадзе з будынку прыгараднай касы чыгуначнай станцыі г.Маладэчна двума супрацоўнікамі крымінальнага вышуку быў затрыманы кіраўнік рэгіянальнага штабу Мілінкевіча Аляксандр Капуцкі.

Капуцкаму было паведамлена, што згодна з арыенціроўкамі ён падпадае
пад падазрэньне ў крадзяжы дамскай сумкі. У раённым аддзеле міліцыі на
патрабаваньні скласьці пратакол затрыманьня, Капуцкі быў ужо
перакваліфікаваны ў сьведкі і на яго быў складзены пратакол допыту
сьведкі з прычыны таго, што яго куртка падобная на куртку злачынцы.
У 10-45 Капуцкі быў адпушчаны.