Вобшукі ў Мастах працягваюцца

Дом яшчэ аднаго грамадзкага актывіста Зміцера Кухлея наведалі 15 лютага міліцыянты. Санкцыя на вобшук была выдадзена пракурорам Ваўкавыскага раёна "ў сувязі з узбуджэннем крымінальнай справы па факце нанясення графіці ў Ваўкавыску".

Супрацоўнікі міліцыі канфіскавалі кампутар, некалькі ўлётак і каляндарыкаў з партрэтам Мілінкевіча, чыстыя дыскі і відэакасеты.

"Відавочна, што яны шукалі не фарбу. Гэта была альбо спроба запалохаць мяне, альбо знайсці штосьці іншае," – паведаміў ПАГОНІ Зміцер Кухлей.