Затрыманы моладзевыя актывісты АГП і кампаніі "Гавары праўду!"

Сёння падчас здымкаў сюжэта у двары БДУ аховай затрыманая здымачная група тэлеканала "Белсат", пашкоджаная камера.  Таксама затрыманыя моладзевыя актывісты АГП Аляксандр Сцепаненка, Міхась Пашкевіч, Дзмітрый Кавалгін, якіх  абвінавачваюць у распаўсюдзе незарэгістраванай друкаванай прадукцыі.

Зараз затрыманых вязуць у Маскоўскі РУУС для складання пратакола. Пра гэта нашаму сайту паведаміў адзін з затрыманых Аляксандр Сцепаненка.

Адначасна каля БГЭУ былі затрыманыя сябры АГП Аляксандр Сяргіенка і Мікалай Сяргіенка, а каля Лінгвістычнага універсітэта - актывісты кампаніі 'Гавары праўду!' Міхаіл Мікуліч і Дзмітрый Нікіценка.

У 12.40 затрыманыя  актывісты АГП Аляксандр Сцепаненка, Міхась Пашкевіч, Дзмітрый Кавалгін былі адпушчаныя з Маскоўскага РУУС без складання пратакола.