Брэсцкі суд адхіліў скаргу заяўніка пікета на гарвыканкам

Суд Ленінскага раёна горада Брэста 22 студзеня пакінуў без задавальнення скаргу Сяргея Вакуленкі на рашэнне гарадскога выканаўчага камітэта не дазволіць яму пікет.
Спадар Вакуленка збіраўся на Дзень правоў чалавека 10 снежня 2009 года распаўсюджваць Дэкларацыю правоў чалавека ў людным месцы каля кінатэатра “Беларусь”.

Суд пагадзіўіўся з матывацыяй адмовы: маўляў, у Брэсце ўжо вызначанае адзінае месца масавых мерапрыемстваў. Гэтым месцам з’яўляецца заштатны стадыён “Лакаматыў” у сектары прыватнай аднапавярховай забудовы.