У праваабронцы Валянціна Стэфановіча на мяжы праслухалі “Песьні Свабоды”

Раніцай , 4 траўня, па вяртаньні з Літвы, у дачыненьні да праваабаронцы Валянціна Стэфановіча быў здзейсьнены узмоцнены мытны агляд.  Памежнікі агледзелі аўтамабіль, на якім рухаўся Стэфановіч, а таксама ягоныя асабістыя рэчы.

Як паведаміў праваабаронца па тэлефоне, цікаўнасьць мытнікаў выклікалі дыскі з музыкай, якімі ён карыстаецца ў аўтамабілі, у прыватнасьці, зборка “Песьні Свабоды”. Адзін з памежнікаў усклаў на сябе нават абавязкі “мастацкага эксперта” і праслухаў практычна ўсе кампазіцыі.

Нагадаем, што падобным працэдурам Валянцін Стэфановіч, які і некаторыя іншыя сябры ліквідаванага ўладамі праваабарончага цэнтру “Вясна” , падвяргаецца  другі год запар, пры кожным перасячэньні беларускай мяжы.