Праваабаронцу Сяргею Гоўшу – 60!

Беларускія праваабаронцы віншуюць баранавіцкага калегу Сяргея Гоўшу з шасьцідзесяцігадовым юбілеем!

Больш дзесяці год Сяргей Гоўша займаецца абаронай правоў чалавека ў сваім рэгіёне. За гэты час, не шкадуючы свайго вольнага часу, праваабаронца аказаў дапамогу не адной сотні сваіх землякоў, абараняючы іх на судовых працэсах, дапамагаючы абскардзіць несправядлівыя рашэньні ў вышэйшых інстанцыях.

За сваю праваабарончую дзейнасць ён неаднойчы пераследваўся ўладамі, некалькі разоў затрымліваўся міліцыяй, але застаўся нязломным барацьбітом за агульначалавечыя каштоўнасці і свабоды.

Жадаем праваабаронцу жыццёвай энергіі, нястомнасьці ў справе служэньня інтарэсам простых людзей, поспехаў у абароне правоў і свабод чалавека!