Беларускамоўны настаўнік са Светлагорскага раёну пазбаўлены працы

Аддзел адукацыі Сьветлагорскага райвыканкаму адмовіўся працягваць кантракт з настаўнікам хіміі і біялёгіі Прудкоўскай базавай школы Генадзем Бядом, паведаміла адыё Свабода.

Спадар Бяда зьяўляецца сябрам Кансерватыўна-Хрысьціянскай Партыі БНФ. Прадметы ён выкладаў выключна на беларускай мове.

Адміністрацыя школы сьцьвярджае, што кантракт з настаўнікам не падоўжаны з прычыны адсутнасьці ў яго пэдагагічнай адукацыі.

Генадзь Бяда скончыў Горацкую сельскагаспадарчую акадэмію, мае спэцыяльнасьць вучонага агранома. Настаўнікам у школе працаваў звыш пяці гадоў.