50-годзьдзе сьвятарства айца Аляксандра Надсана
«Бацька» ўсіх беларусаў замежжа айцец Аляксандар Надсан прыбывае ў Беларусь. У Менску адбудуцца ўрачыстасьці, прысьвечаныя залатому юбілею ягонай сьвятарскай дзейнасьці.
23 лістапада а 14 гадзіне пачнецца ўрачыстая літургія ў касьцёле сьвятых Сымона і Алены.
24 лістападада а 18-30 у гэтым жа касьцёле адбудзецца грамадскае віншаваньне Аляксандра Надсана.
Віншаваць святара ў гэты дзень будуць Адам Мальдзіс, Алег Трусаў, Аляксей Марачкін, Алена Макоўская, Алесь Пашкевіч, Марыя Міцкевіч, Ірына Дубянецкая ды іншыя навукоўцы, грамадскія і культурныя дзеячы.
Пад час урачыстасьцяў выступяць трыё Вытокі”, міжпарафіяльны хор “Прасфара”, фальклёрны гурт “Рада”, Алесь Лось, Кася Камоцкая, а таксама паэты Генадзь Бураўкін, Анатоль Вярцінскі, Аксана Данільчык, Сяргей Панізьнік, Рыгор Сітніца.
У памяшканні касьцёлу ў гэты дзень будзе разгорнута выстава мастакоў суполкі “Пагоня”, прысвечаная залатому юбілею сьвятарства айца Аляксандра.
Уваход вольны
