У Горадні затрыманыя журналісты
6 чэрвеня каля 10.45 на плошчы Леніна ў Горадні міліцыянты затрымалі журналістаў, якія пратэставалі супраць таго, што ўлады не даюць выходзіць газэце Саюзу Палякаў Беларусі “Glos znad Niemna”. Журналісты разгарнулі транспарант з надпісам па-польску: “Вярніце палякам “Glos znad Niemna”, паведамляе Радыё Свабода.
Пікет працягваўся лічаныя хвіліны. Сярод затрыманых – галоўны рэдактар “Glosu znad Niemna” Анджэй Пісальнік, ягоныя супрацоўнікі Інэса Тодрык, Ігар Банцар, а таксама галоўны рэдактар часопіса “Magazyn Polski” Андрэй Пачобут і карэспандэнт газэты “Салідарнасць” Іван Роман.
Усіх затрыманых даставілі ў Ленінскі РАУС. Андрэй Пачобут пасьпеў паведаміць па тэлефоне нашаму карэспандэнту, што іх завялі ў “ленінскі пакой” і складаюць пратаколы паводле трох артыкулаў — за непадпарадкаваньне міліцыі, за ўдзел у несанкцыянаваным пікеце і за “антысанітарыю”, бо пікетоўцы паклалі свае газоне свае рэчы.
