У пракуратуру накіраваная справа на маладафронтаўца

На актывіста Салігорскай філіі Маладога Фронту Ільлю Шылу заведзена праверка па факце зьбіцьця супрацоўніка міліцыі падчас маладафронтаўскай акцыі каля расейскай амбасады 11 жніўня.

Дакуманты ўжо перададзены ў пракуратуру. Аднак цяжка ўявіць, як 15-гадовы Ільля, закаваны ў наручнікі, мог супраціўляцца міліцыянтам.

Нагадаем, Ільля Шыла быў адным з затрыманых у панядзелак падчас акцыі ў падтрымку Грузіі. На хлопца склалі пратакол за ўдзел у несанкцыянаваным пікетаваньні. Пратакол будзе разглядацца ў камісіі па справах непаўнагадовых у Салігорску.