У Шклове будуць судзіць журналіста

Cёньня Шклоўскі раённы суд пачне разгляд крымінальнай справы супраць выдаўца незалежнай газэты “Шклоўскія навіны” Аляксандра Шчарбака.

 

Пазоўнік, шклоўскі супрацоўнік Магілёўскага таварыства “Холдынг Абллён” Васіль Бубноў, вінаваць журналіста ў зьнявазе гонару, годнасьці й дзелавой рэпутацыі. Праз суд Бубноў намагацца спагнаць са Шчарбака два мільёны рублёў кампэнсацыі маральнай шкоды.

Нагодай для суду стаў матэрыял спадара Шчарбака пра мэтады працы Васіля Бубнова. Публікацыя выйшла летась у верасьні ў газэце “Шклоўскія навіны”.

Аляксандар Шчарбак абвінавачваньні Васіля Бубнова не прызнае й кажа, што ў сваім артыкуле ён крытыкаваў мэтады працы Васіля Бубнова.

Сам Бубноў адмаўляецца гаварыць з журналістамі пра пазоў і прэтэнзіі да Шчарбака.

Разглядаць крымінальную справу будзе судзьдзя шклоўскага раённага суду Віталь Волкаў. Судовае паседжаньне пачнецца а 14 гадзіне.