Затрыманыя актывісты апазіцыі Цімафей Дранчук і Зміцер Каспяровіч
https://spring96.org/be/news/22982
2008
2008-07-22T14:24:43+0300
2008-07-22T14:24:43+0300
1970-01-01T03:00:00+0300
be
21 ліпеня на беларуска-літоўскай мяжы былі затрыманыя актывісты апазіцыі Цімафей Дранчук і Зміцер Каспяровіч — каардынатары аргкамітэта аб'яднання ў абарону правоў зняволеных "Над бар'ерам", паведамляе БелаПАН.
Дакладныя прычыны затрымання пакуль невядомыя. Дагэтуль тэлефоны абодвух апазіцыянераў недаступныя. Як паспеў паведаміць Дранчук, беларускія мытнікі знайшлі ў машыне Каспяровіча, на якой яны вярталіся з Літвы, запасныя часткі да аўтамабіля.
Супрацоўнікі мытні запатрабавалі задэклараваць запчасткі, нягледзячы на тое што, паводле слоў Дранчука, тыя падлягаюць утылізацыі. Каспяровіч адмовіўся выканаць гэта патрабаванне і выкінуў запчасткі, пасля чаго абодва былі затрыманыя, а аўтамабіль — дастаўлены ў бокс для надгляду.
