Прадстаўнік афіцыйнай дэлегацыі ў ААН Алейнікаў назваў беларускіх праваабаронцаў «представителями воинствующих неправительственных организаций»

29 сакавіка сьпецыяльны дакладчык па правах чалавека ў Беларусі пры Камітэце па правах чалавека ААН Адрыян Севярын прадставіў свой даклад па сітуацыі з правамі чалавека ў Беларусі. Даклад утрымлівае крытыку беларускіх уладаў па шэрагу пазіцыяў, што тычацца сітуацыі з захаваньнем правоў чалавека ў Беларусі, а таксама шэраг рэкамендацыяў да беларускага ўраду і міжнароднай супольнасьці.

Прадстаўнік беларускай дэлегацыі ў ААН Алейнікаў у адказ на даклад выступіў у духу часоў халоднай вайны, не прызнаўшы відавочных парушэньняў правоў чалавека ў Беларусі і назваўшы прадстаўнікоў беларускіх няўрадавых арганізацыяў «представителями воинствующих неправительственных организаций», якія актыўна распаўсюджваюць пра Беларусь няпраўду.