Нямецкае аддзяленне Amnesty International праводзіць акцыю за вызваленне Аляксандра Казуліна
Amnesty International
Нямецкае аддзяленне міжнароднай праваабарончай арганізацыі Amnesty International вырашыла зладзіць акцыю за вызваленне палітвязня Аляксандра Казуліна. Ніжэй змешчаны поўны тэкст прэс-рэліза з гэтай нагоды.
Amnesty International, Нямеччына
Прэс рэліз
Больш за 2 400 асоб ужо далучыліся да анлайн фота петыцыі з патрабаваннем вызваліць вязняў сумлення ў Беларусі. Гэтая акцыя Amnesty International пачалася ў траўні 2007 і была засяроджаная на становішчы Зміцера Дашкевіча і Аляксандра Казуліна. Amnesty International вітае вызваленне Зміцера Дашкевіча 23 студзеня 2008 і заклікае беларускія ўлады таксама неадкладна й безумоўна вызваліць Аляксандра Казуліна. У ліпені 2006 былы кандыдат у прэзідэнты Аляксандр Казулін быў асуджаны на пяць з паловай гадоў турмы.
К 25 сакавіка 2008 Аляксандр Казулін будзе знаходзіцца ў зняволенні ўжо два гады. К гэтай сумнай гадавіне Amnesty International пастараецца сабраць настолькі шмат фатакартак наколькі магчыма, і заклікае ўсіх далучыцца да петыцыі “твары для амністыі”.
Калі ласка, падтрымайце Amnesty International паслаўшы сігнал падтрымкі й салідарнасці з Аляксандрам Казуліным. Уздыміце свой голас супраць парушэнняў правоў чалавека ў Беларусі!
Дашліце свае фота (памерам максімум 2мБ кожная) на адрас faces@belarus-actions.org. Калі ласка, трымайце на фота лозунг “Свабоду Аляксандру Казуліну” на вашым фотаю (Вы можаце загрузіць спецыяльныя ўзоры з http://www.belarus-actions.org на рускай, ангельскай і нямецкай мове.
Больш таго, вы можаце падтрымаць гэтую акцыю:
- робячы фота “твары для амністыі” сваёй сям’і, сяброў і калег
- паведамляючы людзям аб анлайн фотапетыцыі “твары для амністыі”
- публікуючы наш зварот на вебсайтах, у блогах і бюлетэнях
- змяшчаючы спасылкі на www.belarus-actions.org (там вы можаце знайсці бясплатныя банеры).
Калі ласка прыйміце да ўвагі, што мы заканчваем гэтую акцыю 28 сакавіка 2008.
Amnesty International, Нямеччына
Student Action Network
