Алесь Бяляцкі: Паводзіны Лукашэнкі гаворыць пра ягоную абсалютную слабасьць як палітыка, так і чалавека.

Віцэ-прэзідэнт Міжнароднай федэрацыі правоў чалавека Алесь Бяляцкі:

“У дачыненьні да палітвязьня Аляксандра Казуліна і ўсёй ягонай сям’і Лукашэнка праяўляе беспрэцэдэнтную жорсткасьць. Зразумела, што калі расцэньваць іх адносіны ў палітычнай плоскасьці, то яны характарызуюцца вострай канфрантацыяй, якая найбольш выявілася падчас прэзідэнцкіх выбараў. Аднак існуе чыста чалавечае вымярэньне, і, якія б палітычныя баталіі не разгортваліся, у любой сітуацыі сапраўдным палітыкам застаецца толькі той, у каго не зьнікаюць маральныя якасьці, хто здольны на чалавечыя ўчынкі. У дадзеным жа выпадку ўсё сьведчыць пра адваротнае, і паводзіны Лукашэнкі гаворыць пра ягоную абсалютную слабасьць як палітыка, так і чалавека".