“Малады Фронт” падтрымаў вылучэньне Зьмітра Жалезнічэнкі на Студэнцкую прэмію за мір

Незарэгістраваны “Малады Фронт” падтрымаў ініцыятыву беларускіх праваабаронцаў, праваабарончага цэнтру “Вясна” і Моладзі БНФ аб вылучэньні актывіста Моладзі БНФ Зьмітра Жалезьнічэнкі на сусьветную Студэнцкую прэмію за мір.

Зьміцер, студэнт-выдатнік, быў двойчы незаконна адлічаны з Гомельскага дзяржаўнага унівэрсытэта імя Ф. Скарыны за свае палітычныя погляды і актыўную грамадзянскую пазыцыю, пасьля чаго быў гвалтоўна забраны ў войска. Мы адзначаем асаблівую мужнасьць Зьмітра ў адстойваньні права на адукацыю, права на карыстаньне роднай, беларускай мовы, адстойваньні свабоды поглядаў і лічым, што Зьміцер Жалезьнічэнка з'яўляецца годным кандыдатам для атрыманьня Студэнцкай прэміі за мір.