Судовы працэс над актывістам “БХД” Канстанцінам Жукоўскім перанесены на сярэдзіну лютага
З-за хваробы суд быў перанесены на панядзелак, але Жукоўскі запатрабаваў весьці судовае паседжаньне на беларускай мове. Судзьдзя Марына Дамненка паведаміла, што задавальняе хадайніцтва абвінавачанага й судовы працэс будзе весьціся па-беларуску. Новае пасяджэньне было прызначана на сераду. Аднак у гэта дзень суддзя прыняла рашэньне перанесьці разгляд справы на сярэдзіну лютага.
Нагадаем, напрыканцы мінулага году дэмакрат Канстанцін Жукоўскі быў абвінавачаны ва ўтойваньні ад дэклараваньня, атрыманага з-за мяжы – 2 тысяч даляраў, што падарылі Канстанціну на вясельле родзічы. Канстанцін Жукоўскі лічыць гэтую справу палітычным ціскам. Менавіта спадар Канстанцін у мінулым годзе выявіў масавае захаваньне беларусаў, расстраляных у годы сталінскага рэжыму – Гомельскія Курапаты. Беларускія ўлады так і не прызналі гэты факт.
