Правакатары бойкі на “Сацыяльным маршы” не устаноўленыя

Начальнік Савецкага РУУС Мінска падпалкоўнік Сінякевіч паведаміў прадстаўніку Беларускага Хельсінкскага Камітэта, што “калі арганізатары не ў стане былі забяспечыць парадак, значыцца не трэба праводзіць такія акцыі”.

Між тым, выклікае здзіўленне пазіцыя саміх праваахоўчых органаў, якія, мяркуючы па ўсім, не збіраюцца праводзіць разбіральніцтва па факту бойкі паміж маладымі людзьмі з незарэгістраванай арганізацыі “Белая воля” і анархістамі (тады многія казалі, што гэта якраз і была правакацыя ўладаў). Дзіўна і тое, што міліцыя і Полк міліцыі спецыяльнага прызначэння тады нікога не затрымалі, хоць раней моладзевых актывістаў падчас акцый аператыўна грузілі у аўтобусы “пачакамі”, а зараз “зачинщики драки до сих пор не установлены”. І гэта пры ўсім тым, што ў сілавікоў маецца відэастужка акцыі.