Сяржуку Гумінскаму пагражаюць СІЗА завочна

На днях бацькоў “маладафронтаўца” Сяржука Гумінскага ўжо другі раз за апошні час наведала міліцыя.

Людзі ў форме распытвалі бацькоў Сяржука пра вучобу іх сына, які навучаецца на першым курсе Гданьскага ўніверсітэту па праграме Каліноўскага. Міліцыянты неаднаразова пагражалі бацькам у выпадку, калі Сяржук Гумінскі вернецца ў Беларусь, пасадзіць яго ў СІЗА быццам бы за “ўхіленьне ад армейскай службы”.

Нагадаем, у мінулым годзе на “маладафронтаўца” Сяржука Гумінскага была заведзеная крымінальная справа за палітычныя графіці, але пад ціскам грамадзкасьці была закрытая. Акрамя гэтага, Сяржук – актыўны дзяяч вулічных акцыяў, за што неадначасова падвяргаўся рэпрэсіям з боку рэжыму.