viasna on patreon

У пракуратуру Ленінскага раёну Горадні была выклікана былая кандыдатка ў дэпутаты, сябра АГП Марына Багдановіч.

2004 2004-11-17T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Марына Багдановіч давала паказаньні наконт свайго перадвыбарчага радыёвыступу, у якім быццам бы ўтрымлівалася абраза прэзыдэнта Лукашэнкі.

Пра гэта паведаміла Радыё Свабода. Марына Багдановіч, як Алег Волчак і Аляксандар Цынкевіч, была зьнятая зь перадвыбарчай гонкі быццам бы за абразу Лукашэнкі. Цэнтарвыбаркам накіраваў адпаведныя матэрыялы ў пракуратуру, і гэтая справа прынятая да вытворчасьці. Сёньня цягам двух гадзінаў сьледчы Сяргей Шастоў запісваў паказаньні Марыны Багдановіч наконт яе выступу на радыё. Спадарыня Марына перадала ў пракуратуру шэраг матэрыялаў, апублікаваных у сродках масавай інфармацыі, тэксты інтэрвію і заяваў кіраўніка краіны, на падставе якіх яна адзначыла ў перадвыбарчым выступе, што сродкі ад продажу зброі паступаюць у фонд, якім бескантрольна распараджаецца прэзыдэнт Лукашэнка.

Апошнія навіны

Партнёрства

Сяброўства