viasna on patreon

Польскіх шпіёнаў будуць судзіць у адзін дзень з маладафронтаўцамі

2007 2007-08-29T15:43:36+0300 1970-01-01T03:00:00+0300 be

Сёньня стала вядома, што судовыя слуханьні па справе польскіх шпіёнаў пачнуцца 4 верасьня ў ваеннай калегіі Вярхоўнага суду. Справу будуць разглядаць пры зачыненых дзьвярах.

Інфармацыя пра польскіх шпіёнаў зьявілася ў беларускіх СМІ ў сярэдзіне ліпеня. Тады стала вядома, што ў агентурную сетку ўваходзілі чацьвёра вайскоўцаў беларускай арміі і афіцэр узброеных сіл Расеі. Па вэрсіі КДБ іх цікавілі ваенна-стратэгічныя аб’екты Беларусі.

Па справе праходзяць беларусы Рускін, Богдан, Карнялюк, Пяткевіч і расеец Юрэня, крымінальная справа заведзеная па артыкуле 356-1 КК “Здрада дзяржаве ў форме шпіянажу”. Артыкул прадугледжвае да 15 гадоў пазбаўленьня волі.

Варта нагадаць, што 4 верасьня таксама пачнецца разгляд крымінальных справаў “маладафронтаўцаў” Івана Шылы і Насты Азаркі.

Апошнія навіны

Партнёрства

Сяброўства