Суд над Зьміцерам Хведаруком адбудзецца заўтра

Затрыманы сёньня раніцай супрацоўнікамі міліцыі адзін з лідэраў незарэгістраванай аргагнізацыі "Малады фронт" Зьміцер Хведарук утрымліваецца зараз у Маскоўскім РАУСе Менска.

Нагадаем, што  Хведарука затрымалі ля будынку Дома правасудзьдзя ў Менску, куды маладафронтавец накіроўваўся, каб пачуць прысуд у справе Канстанціна Лукашова, якая там разглядалася.

Як стала вядома ПЦ “Вясна”,  назаўтра у судзе Маскоўскага раёна прызначана слуханьне справы Хведарука, якога вінавацяць у дробным хуліганстве, нібыта за нецэнзурную лаянку. Адзіная рэальная прычына затрыманьня актывіста – яго ізаляцыя напярэдадні святкаваньня Дня абвяшчэньня Дэкларацыі аб суверэнітэце Рэспублікі Беларусь 27 ліпеня.