Вядомы прысуд берасцейцу Дзянісу Красько, якога абвінавацілі ў распальванні сацыяльнай варожасці
Брэсцкі абласны суд. Фота: TUT.BY
Стаў вядомы прысуд, які быў вынесены жыхару Брэста Дзянісу Красько Брэсцкім абласным судом 22 студзеня. Яго абвінавацілі ў распальванні сацыяльнай варожасці альбо варажнечы паводле ч. 1 арт. 130 Крымінальнага кодэкса.
Па матэрыялах абвінавачання, у снежні 2020 года, Красько “апублікаваў у адкрытым доступе ў сетцы Інтэрнэт каментары, накіраваныя на падтрыманне экстрэмісцкай дзейнасці, прапаганду і агітацыю сацыяльнай варожасці і варожасці ў адносінах да супрацоўнікаў дзяржаўных праваахоўных органаў Рэспублікі Беларусь, прадстаўнікоў судовай улады, ваеннаслужачым, якія праходзяць службу ва Узброеных Сілах Рэспублікі Беларусь, апублікаваў у адкрытым доступе ў сетцы Інтэрнэт каментары, накіраваныя на падтрыманне экстрэмісцкай дзейнасці, прапаганду і агітацыю сацыяльнай варожасці і варожасці ў адносінах да названай катэгорыі асоб”.
Дзянісу прызначана пакаранне ў выглядзе пазбаўлення волі на тэрмін тры гады з адбываннем пакарання ў папраўчай калоніі ва ўмовах агульнага рэжыму.
За тры каментары абвінаваўца запрасіла тры гады калоніі
