viasna on patreon

Хроніка палітычнага пераследу 31 сакавіка Дапоўнена

2023 2023-03-31T12:49:03+0300 2023-03-31T13:10:06+0300 be https://spring96.org/files/images/sources/sharabaika_90.jpeg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У Беларусі па-ранейшаму працягваюцца затрыманні, ператрусы, катаванні ў ізалятарах, аказваецца ціск на палітвязняў, незалежныя медыяпрадукты прызнаюць экстрэмісцкімі матэрыяламі і экстрэмісцкімі фармаваннямі. Адбываюцца рэпрэсіі ў дачыненні да грамадзян, якія актыўна выказваюць сваю пазіцыю ў адносінах да вайны, распачатай узброенымі сіламі Расіі. Праваабарончы цэнтр "Вясна" 31 сакавіка збірае факты палітычнага пераследу беларусаў і беларусак – інфармацыя ўвесь час дапаўняецца.

Калі вас ці вашых блізкіх затрымалі, паведамляйце нам:

У "Спіс экстрэмістаў" дадалі яшчэ 41 прозвішча — цяпер у ім 2637 чалавек

31 сакавіка МУС зрабіла традыцыйны пятнічны апдэйт "Пераліка грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці".

Акрамя іншых, у спіс дадалі вайсковага аналітыка Ягора Лебядка, былога палітзняволенага намесніка дырэктара Мінскай роварнай супольнасціМаксіма Пучынскага, інста-блогераў Кацярыну і Сяргея Чарэшку, якіх нядаўна асудзілі за ўдзел у пратэстах, спартоўца Дзяніса Хатылёва.


У Кобрыне затрымалі 25-гадовую Вікторыю Вараксіну

Праўладныя тэлеграм-каналы паведамляюць, што дзяўчына нібыта была кіраўніком Telegram-чата "Кобрын для жыцця", удзельнічала ў акцыях пратэсту і распаўсюджвала "нацысцкую сімволіку".

На "пакаяльным" відэа дзяўчына распавяла, што "ўдзельнічала ў мітынгах і распаўсюджвала нацысцкую сімволіку".


Вядомы глыбоцкі бодзібілдар Аляксандр Шарабайка пераведзены ў СІЗА-2 Віцебска 

Паводле папярэдняй інфармацыі, яму інкрымінуюць абразу Лукашэнкі. Нагадаем, Аляксандра затрымалі 13 сакавіка, пазней яму прызначылі 10 сутак арышту. У мужчыны і ягонай жонкі Алены сілавікі забралі тэлефоны. Пасля выбараў Шарабайку некалькі разоў саджалі на суткі за ўдзел у пратэстах і за бел-чырвона-белы сцяг на доме. У ліпені 2021 яго затрымлівалі на трое сутак "па падазрэнні ў злачынстве".

Падтрымайце Аляксандра грашовымі пераводамі, пасылкамі, тэлеграмамі: СІЗА-2. 210026, Віцебск, Гагарына, 2, Шарабайка Аляксандр Міхайлавіч


У Гомелі сілавікі затрымалі "спячую ячэйку экстрэмістаў" у гаражным кааператыве 

Мяркуючы па «пакаяльным» відэа, што былі апублікаваныя ў праўладных тэлеграм-каналах, былі затрыманыя чатыры чалавекі — іх называюць "спячай ячэйкай экстрэмістаў", якія "мелі замежныя сувязі" з беларускімі добраахвотнікамі, якія ваююць ва Украіне.

Як піша "Наша Ніва", на відэа — 35-гадовы Дзмітрый Папкоў, 34-гадовы Ігар Чарнавусаў, 32-гадовы Канстанцін Гвоздзеў і 34-гадовы Уладзімір Каменнаў. Усе яны гамельчукі і старыя сябры.

Апошнія навіны

Партнёрства

Сяброўства