У Мінску асудзілі чарговага ўдзельніка маршу работнікаў МТЗ у 2020 годзе
Мітынг работнікаў МТЗ 14 жніўня 2020 года
У судзе Партызанскага раёна Мінска разгледжаная крымінальная справа работніка ліцейнага цэха МТЗ Дзяніса Пучака, аднаго з удзельнікаў шэсця трактаразавадчанаў у жніўні 2020 года. Яго абвінавацілі ў актыўным удзеле ў групавых дзеяннях, якія груба парушаюць грамадскі парадак паводле ч. 1 арт. 342 Крымінальнага кодэкса.
Справу разглядаў суддзя Міхаіл Макарэвіч.
Палітзняволенага Дзяніса Пучака затрымалі 22 лістапада 2022 года і да суда змясцілі ў СІЗА-1 Мінска.
Па матэрыялах справы, Дзмітрый разам з многімі працаўнікамі МТЗ 14 жніўня 2020 года прыняў удзел у шэсці рабочых у цэнтры Мінска. Знаходзячыся на вуліцы Далгабродскай, парушаў грамадскі парадак, перашкаджаў працы грамадскага транспарту, не рэагаваў на заклікі супрацоўнікаў міліцыі спыніць супрацьпраўныя дзеянні.
Суд прызнаў 28 лютага Дзяніса Пучака вінаватым і прызначыў пакаранне ў выглядзе абмежавання волі без накіравання ў ПУАТ тэрмінам на два гады і шэсць месяцаў.
Яго вызвалілі з-пад варты адразу пасля абвяшчэння прысуду.
Тры гады "хатняй хіміі" за ўдзел у двух акцыях пратэсту ў 2020 годзе
