viasna on patreon

Юрыста Яўгена Папакуля асудзілі да года калоніі за ўдзел у трох Маршах

2023 2023-01-30T18:56:34+0300 2023-01-30T18:56:34+0300 be https://spring96.org/files/images/sources/papakul.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

28-гадовага юрыста Яўгена Папакуля асудзілі да года пазбаўлення волі ў калоніі агульнага рэжыму. Вырак агучыў 24 студзеня 2023 года Дзмітрый Карсюк у судзе Цэнтральнага раёна Мінска. 

Мужчыну прызналі вінаватым паводле ч. 1 арт. 342 Крымінальнага кодэкса за ўдзел у трох Маршах у жніўні-кастрычніку 2020 года. У судзе яму паставілі ў віну тое, што ён неаднаразова выходзіў на праезную частку і не прыслухаўся да патрабаванняў міліцыянтаў спыніць удзел у мірных сходах.

Дзмітрый Карсюк
Суддзя Дзмітрый Карсюк, які агучыў вырак

Вядома, што Яўген Папакуль прызнаў віну. 

"Мінсктранс" заявіў пазоў пра кампенсацыю матэрыяльнай шкоды ў памеры больш за 47, 7 тысячаў, ён будзе разгледжаны ў межах грамадзянскай вытворчасці. 

Папакуль быў затрыманы ў жніўні 2022 года.

Апошнія навіны

Партнёрства

Сяброўства