16 сакавіка актывіст руху «Зубр» Сяргей Палішчук быў выкліканы ў камісію па справах непаўнагадовых ГУУС г. Баранавічы

17-гадовы навучэнец коледжа лёгкай прамысловасьці быў затрыманы ў ноч на 15 сакавіка па падозраньні ў тым, што ён датычны да графіці, якія зьявіліся ў Баранавічах. Падчас затрыманьня супрацоўнікі міліцыі некалькі разоў ударылі С. Палішчука, пасьля чаго С. Палішчу быў дастаўлены ў ГУУС, дзе яго пратрымалі да 4 раніцы.

16 сакавіка ў камісіі па справах непаўнагадовых з С. Палішчуком размаўляў адзін з супрацоўнікаў міліцыі, які праводзіў затрыманьне, па прозьвішчу Кучур, ён заявіў, што ў далейшым С. Палішчук будзе несьці адказнасьць за ўсе дзеяньні руху «Зубр» у Баранавічах.