Сябры КХП БНФ Уладзімір Плешчанка і Аляксандр Салаўян атрымалі папярэджаньні

Як перадае Радыё Свабода, 15 сакавіка абодва апазыцыянэры выйшлі на сваю звычайную акцыю, якую яны праводзяць штопанядзелак. Аляксандар Салаўян меў пры сабе плякат “Схадзіў на выбары — падтрымаў рэжым”, а Ўладзімер Плешчанка — абвестку “Збор подпісаў супраць саюзнае дамовы, незаконна падпісанай Аляксандрам Лукашэнкам”.

Апоўдні ля “Сіняга дому” спынілася міліцэйская машина, і апазыцыянэраў забралі ў пастарунак. Склаўшы пратаколы, міліцыянты адразу ж даставілі затрыманых у суд, дзе судзьдзя, спадарыня Лакеенкава, па сканчэньні дзесяціхвіліннага судовага працэсу абвесьціла ім папярэджаньні за незаконнае пікетаваньне.