У штогадовым “Марафоне лістоў” патрабуйце ад уладаў Беларусі вызвалення падлетка Мікіты Залатарова Дакумент
15 лістапада распачынаецца штогадовая акцыя “Марафон лістоў”, якую арганізуе Amnesty International.
У гэтым годзе адным з удзельнікаў акцыі стаў непаўнагадовы хлопец з Беларусі Мікіта Залатароў, які быў асуджаны да пяці года пазбаўлення волі ў выхаваўчай калоніі за тое, што нібыта падчас пратэстаў 2020 года кінуў пад ногі двум амапаўцам "кактэйль Молатава" і за "арганізацыю масавых беспарадкаў".
Падчас правядзення расследавання і судовага разбору беларускія ўлады парушылі яго права не падвяргацца катаванням і іншым відам жорсткага абыходжання, а таксама яго права на справядлівы судовы разбор. Падчас затрымання і ў ходзе ўтрымання пад вартай яго збівалі, а супрацоўнікі міліцыі дапытвалі яго ў адсутнасць адваката або дарослага законнага прадстаўніка. Акрамя таго, ён знаходзіўся ў папярэднім зняволенні больш за шэсць месяцаў і змяшчаўся ў адзіночнай камеры. На момант меркаванага здзяйснення правапарушэння Мікіту Залатарову было 16 гадоў; ён пакутуе на эпілепсію.
Мікіта быў прызнаны палітзняволеным.
Amnetsy International: Беларусь павінна вызваліць непаўналетняга, несправядліва асуджанага да пяці гадоў калоніі
Якія дзеянні прапануюцца?
У падтрымку Мікіты Залатарова Amnesty International заклікае:
- Падпісаць петыцыю да беларускіх уладаў з патрабаваннем яго неадкладнага вызвалення.
- Напісаць лісты падтрымкі і салідарнасці па адрасе:
Выхаваўчая калонія №2. 213807, г. Бабруйск, вул. Генерала Батава, 4. - Правесці адукацыйнае мерапрыемства ў межах “Марафона лістоў”.
- Прайсці анлайн-курс пра “Марафон лістоў”.
Каго яшчэ можна падтрымаць у гэтым годзе?
Акрамя Мікіты Залатарова, Amnesty International у межах “Марафона лістоў” заклікае падтрымаць :
- Блогера Цемірлана Енсябека з Казахстану, якога пераследуюць за сатыру ў сацсетках;
- Чжан Чжань з Кітаю, якая мела смеласць казаць праўду пра COVID-19 у сваёй краіне;
- Вэндзі Галарса з Мексікі, якая была параненая падчас пратэстаў супраць гвалту ў адносінах да жанчын;
- НКА “Сфера” з Украіны, якая падверглася неаднаразоваму нападу за абарону правоў жанчын і ЛГБТ.
