Справа Аўсіевіча: дзяржабвінаваўца запатрабавала дадатковую экспертызу

2021 2021-09-08T16:34:38+0300 2021-09-08T16:34:39+0300 be https://spring96.org/files/images/sources/avsievich-sud-2-800x601.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Андрэй Аўсіевіч. Фота: Гродно-Лайф

Андрэй Аўсіевіч. Фота: Гродно-Лайф

Гарадзенскі абласны суд 8 верасня працягнуў разгляд крымінальнай справы Андрэя Аўсіевіча. Яго вінавацяць у абразе прадстаўніка ўлады па арт. 369 Крымінальнага кодэкса і арт 361 КК (Заклікі да дзеянняў, скіраваных на прычыненне шкоды нацыянальнай бяспецы Рэспублікі Беларусь).

Справу разглядае суддзя Мікалай Рачынскі, дзяржабвінаваўца – пракурор Людміла Герасіменка.

У якасці пацярпелага выступае супрацоўнік міліцыі, участковы Максім Чарткоў.

Паводле следства, 14 лістапада 2020 года Аўсіевіч са свайго кампутара ў адным з чатаў у Тэлеграме размясціў зняважлівую інфармацыю пра ўчастковага, чым публічна яго абразіў. Затым 20 снежня размясціў у свабодным доступе ў інтэрнэце паведамленне пра здзяйсненне акту тэрарызму у адносінах да супрацоўнікаў МУС. Тым самым, здзейсніў злачынства па частцы 3 арт. 361 (Заклікі да дзеянняў, скіраваных на прычыненне шкоды нацыянальнай бяспецы Рэспублікі Беларусь).

Быў затрыманы па падазрэнні ў здзяйсненні злачынства 4 траўня, да суда ўтрымліваўся пад вартай.

Абвінавачваемы віну прызнаў толькі ў абразе прадстаўніка ўлады.

Суд Аўсіевіча: экспертка не знайшла заклікаў да гвалту або да іншых пабуджальных дзеянняў

Экспертка адказвае пракурору, што ў каментары няма выказванняў падахвочвальнага характару. Яна не знайшла ў выказваннях Аўсіевіча заклікаў да гвалту або да іншых дзеянняў.

Пад час судовага пасяджэння 8 верасня дзяржабвінаваўца Герасіменка выступіла з хадайніцтвам аб прызначэнні дадатковай лінгвістычнай экспертызы каментароў Аўсіевіча ў мясцовым тэлеграм чаце за 20 снежня. Перад экспертызай было пастаўлена некалькі дадатковых пытанняў з канкрэтызацыяй дзеянняў абвінавачанага, тым жа экспертам таго ж Гродзенскага камітэта СМЭ.

Адвакат і сам абвінавачаны выказаліся супраць дадатковай экспертызы, бо была ўжо праведзена экспертыза і ёсць заключэнне ад 14.06.2021 года.

У судзе таксама была дапытаная сама эксперт і падрабязна адказала на ўсе пытанні суда і пацвердзіла, што з боку абвінавачанага не было ў каментарах падахвочванні да дзеянняў, якія падпадаюць пад дзеяння артыкула 361 КК (Заклікі да дзеянняў, скіраваных на прычыненне шкоды нацыянальнай бяспецы Рэспублікі Беларусь).

Пасля перапынку суддзя задаволіў хадайніцтва пракурора і пастанавіў прызначыць дадатковую судовую лінгвістычную экспертызу па каментарах абвінавачанага за 20.12.2020 года.

Экспертыза з пастаўленымі пытаннямі дзяржабвінаваўцы, будзе праводзіцца экспертамі Гродзенскага ГЦСМЭ.

У судзе абвешчаны перапынак да заключэння экспертаў, аб наступнай даце суда паведамяць.

Апошнія навіны

Партнёрства

Сяброўства