Ад 3 да 4,5 гадоў пазбаўлення волі: вынесены прысуд трэцяй партыі абвінавачаных па берасцейскіх "беспарадках"

2021 2021-08-12T16:49:25+0300 2021-08-12T17:27:51+0300 be https://spring96.org/files/images/sources/brest_sud_besparadki3.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

12 жніўня ў судзе Ленінскага раёна г. Брэста агучылі прысуд трэцяй партыі абвінавачаных у масавых беспарадках падчас падзей 9-10 жніўня 2020 года. 

Суддзя Святаслаў Каліна палічыў, што віна фігурантаў справы па ч. 2 арт. 293 КК даказаная, і пакараў палітвязняў наступнымі тэрмінамі: 

  • Антон Сотнікаў — 4 гады 6 месяцаў пазбаўлення волі (акрамя арт. 293 яго вінавацілі яшчэ і па ч. 1 арт. 339 КК — "злоснае хуліганства"),
  • Раман Гваздзёлка — 4 гады пазбаўлення волі,
  • Юрый Кузьміч — 4 гады пазбаўлення волі,
  • Вадзім Жылінскі — 4 гады пазбаўлення волі,
  • Дзяніс Жук — 4 гады пазбаўлення волі,
  • Мікіта Ганчароў — 3 гады 6 месяцаў пазбаўлення волі,
  • Дзмітрый Тур — 3 гады 6 месяцаў пазбаўлення волі,
  • Дзмітрый Князеў — 3 гады пазбаўлення волі,
  • Дзмітрый Панько — 3 гады пазбаўлення волі,
  • непаўнагадовы Максім Шатохін — 3 гады пазбаўлення волі.

Менавіта такія тэрміны пакарання і запрошвалі дзяржабвінаваўцы Аляксей Бараноўскі і Шарко.

Як паведамляюць відавочцы, на абвяшчэнне прысуду не пусцілі 16 чалавек.

Нагадаем, што гэты судовы працэс ішоў яшчэ з 28 траўня. Усе асуджаныя адміністрацыяй Брэсцкага СІЗА прызнаныя "схільнымі да экстрэмізму" і пастаўленыя на прафілактычны ўлік.

Паказанні пад ціскам і відэа з тэлефонаў. Як спрабуюць даказаць віну трэцяй “партыі” абвінавачаных па “масавых беспарадках” у Брэсце?

14 і 15 чэрвеня ў судзе Ленінскага раёна горада Брэста працягнуўся судовы працэс па крымінальнай справе аб «масавых беспарадках» у дачыненні да трэцяй «партыі» абвінавачаных. Гэта ўжо дзясятае і адзінаццатае па ліку пасяджэнні.

Апошнія навіны

Партнёрства

Сяброўства