Стэфановіч: "Мы, як і раней, патрабуем ад уладаў неадкладнага вызвалення Вікатара Бабарыкі"
Шостага ліпеня ў судзе Маскоўскага раёна Мінска быў абвешчаны прысуд палітычнаму зняволенаму экс-банкіру, былому кандыдату на пасаду прэзідэнта Беларусі Віктару Бабарыку. Яго прызналі вінаватым у атрыманні хабару ў асабліва буйным памеры (ч. 3 арт. 430 КК) і ў легалізацыі сродкаў, атрыманых злачынным шляхам (ч. 2 арт. 235 КК) і пакаралі 14 гадамі зняволення ва ўмовах узмоцненага рэжыму. Таксама Бабарыку пазбавілі права займаць кіруючыя пасады.
14 гадоў калоніі — агучылі прысуд палітзняволенаму экс-банкіру Віктару Бабарыку
Сябра Рады Праваабарончага цэнтру "Вясна" Валянцін Стэфановіч выказаў пазіцыю арганізацыі наконт агучана прысуду:
"Следства і суд па дадзенай справе адбываліся з грубейшымі парушэннямі прынцыпаў справядлівага судовага разбіральніцтва. Гэты несправядлівы і жорсткі прысуд яшчэ больш замацаваў нашую перакананасць у выключна палітычна матываным пераследзе Віктара Бабарыкі.
Сутнасць крымінальнай справы Віктара Бабарыкі – пераслед за рэалізацыю права на кіраванне сваёй краінай праз удзел у свабодных і дэмакратычных выбарах, якія праводзяцца на рэгулярнай аснове.
Мы, як і раней, патрабуем ад уладаў Беларусі неадкладнага вызвалення Вікатара Бабарыкі, сябраў ягонай ініцыятыўнай групы і выбарчага штаба".
«Справа аб паразе ў правах Віктара Бабарыкі»
