У Гомелі вынеслі прысуд Кірылу Брыгу, які падняў БЧБ-сцяг у жніўні мінулага года
Заменены сцяг у Гомелі. Фота: Моцныя навіны.
У судзе Цэнтральнага раёна Гомеля 15 траўня вынесены прысуд па крымінальнай справе аб «звяржэнні» дзяржаўнага сцяга і замене яго на БЧБ-сцяг, па частцы 2 артыкула 339 КК (хуліганства).
На лаве падсудных – 23-гадовы інжынер Кірыл Брыг.
Справу разглядаў суддзя Віктар Казачок. Дзяржабвінаваўца – пракурор Жураўлёва.
Нагадаем, 16 жніўня на цэнтральнай плошчы Леніна нехта спусціў з флагштоку дзяржаўны сцяг і падняў бел-чырвона-белы сцяг. Літаральна праз дзень следчыя ўстанавілі яго асобу. Гэта быў прадпрымальнік Георгій Васіленка.
26 лістапада мінулага года суддзя Сяргей Салоўскі асудзіў прадпрымальніка Васіленку да двух гадоў абмежавання волі з накіраваннем ва ўстанову адкрытага тыпу - "хімія". І толькі значна пазней, верагодна дзякуючы аналізу відэазапісаў з камер назірання, стала вядома, што ён дзейнічаў не адзін.
Прысуд у Гомелі за "звяржэнне" дзяржаўнага сцяга.
А затым, пасля доўгага вывучэння запісаў з камер відэаназірання, міліцыя адшукала яшчэ аднаго чалавека, які ўздымаў бел-чырвона-белы сцяг на флагштоку ў Гомелі на Плошчы Леніна. Гэта быў дваццаці трох гадовы Кірыл Брыг.
Пад час судовых спрэчак ён прызнаў сваю віну ў поўным аб'ёме.
14 траўня пракурор Жураўлёва падчас судовых спрэчак запрасіла паўтары гады ўмоўна за замену афіцыйнага сцяга на б-ч-б на плошчы 16 жніўня.
Сёння быў вынесены прысуд: паўтары гады абмежавання волі без накіравання ва ўстанову адкрытага тыпу (хатняя «хімія»).
Судзяць яшчэ аднаго гамяльца, які дапамагаў здымаць дзяржаўны сцяг
