Берасце: Пачаўся суд за развешванне пудзіла прэзідэнта Дапоўнена

2021 2021-03-29T12:31:51+0300 2021-03-30T12:43:23+0300 be https://spring96.org/files/images/sources/2020-11-24-17_29_16-zaderzhana-hruppa-brestczan-priczastnaja-k-prestuplenijam-protiv-obszczestvennoi-bezopa.png Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Ілюстрацыйнае фота з відэа МУС.

Ілюстрацыйнае фота з відэа МУС.

У судзе Маскоўскага раёна Берасця 29 сакавіка пачаўся разгляд крымінальнай справы за развешванне пудзіла (манекенаў) у абласным цэнтры (ч. 2 арт. 339 КК - хуліганства, здзйсненае групай асоб).

Абвінавачваюцца жыхары Берасця Андрэй Колас і палітычна зняволеныя Вольга Завадская ды Юлія Бодак.

Вольгу Завадскую затрымалі 17 студзеня, а Юлію Бодак 18 лютага. Да суда ўсё трое знаходзіліся пад хатнім арыштам.

zavadskaja-bodak-1.jpg
Вольга Завадская і Юлія Бодак.

Справу разглядае суддзя Іна Клышпач.

Следчыя лічаць, што берасцейцы самастойна вырабілі пудзіла прэзідэнта.

Паводле версіі следства, 23 кастрычніка мінулага года пудзіла вырабілі і прывезлі да месца "імправізаванага пакарання" на Варшаўскай шашы дзве дамы - 35-гадовая Юлія і 32-гадовая Вольга. А падняццем яго на "лобнае месца" займаўся 36-гадовы Андрэй, разам з «неўстаноўленай асобай», з якім той пазнаёміўся ў адным з чатаў.

"У мэтах рэалізацыі пратэсту супраць вынікаў прэзідэнцкіх выбараў, выказваючы незадаволенасць дзеяннямі праваахоўных органаў, груба парушаючы грамадскі парадак, выказваючы сваю непавагу да грамадства, з хуліганскіх меркаванняў ... здзейснілі дзеянні, якія адрозніваюцца выключным цынізмам," - гаворыцца ў афіцыйным абвінавачванні, якое зачытала пракурор.

Як вынікае з абвінаваўчага заключэння, вечарам 23 кастрычніка 2020 года Юлія Б. і Вольга З., выехаўшы за горад на аўтамабілі, вырабілі са смеццевых пакетаў, пластыкавых бутэлек і рэшткаў сухой расліннасці пудзіла, якое самі ж даставілі на Варшаўскую шашу і кінулі ў лесапаласе паміж Чырванасцяжнай і Махновіча.

Праз некалькі гадзін да яго пад'ехаў Андрэй К., разам са сваім знаёмым з чата-яны абматалі манекен вяроўкай і прымацавалі да дрэва, "імітуючы павешанне". Следства, а ўслед за ім і дзяржабвінавачанне сцвярджаюць: гэта было пудзіла "Прэзідэнта Рэспублікі Беларусь".

Да яго невядомыя прымацавалі два надпісы: "Скраў галасы" і "Судзіў невінаватых".

Цяпер за пэўныя маніпуляцыі з "галавой" і "тулавам" ім можа пагражаць арышт, альбо абмежаванне волі на тэрмін да 3 гадоў, або пазбаўленне волі ад 1 года да 6 гадоў.

На судзе былі апытаныя абвінавачваныя наконт вывешанага ля Варшаўскай шашы вялізарнага мусарнага пакета. На ім былі белыя аркушы паперы з надпісамі. Па версіі следства, гэткі перформанс праявіў "асаблівы цынізм" да грамадства.

Заўтра ў судзе працягваецца азнаямленне з матэрыяламі справы і апытанне сведак.

Будзе дапоўнена.

Апошнія навіны

Партнёрства

Сяброўства