Справа Патаповіча: суд вырашыў паўтарыць следчы эксперымент

У судзе Ваўкавыскага раёна 16-17 снежня, працягнуўся разгляд крымінальнай справы Аляксандра Патаповіча, якога вінавацяць па арт. 364 КК РБ.

Справу разглядае суддзя Леанард Дзіўнель. Пацярпелыя – Уладзімір Буйніцкі і Алег Вікторка.

Патаповіча абвінавачваюць у тым, што 9-га жніўня пасля 23.00 ён паспрабаваў наехаць аўтамабілем на двух супрацоўнікаў ваўкавыскай міліцыі з мэтай перашкодзіць іх працы падчас несанкцыянаванага мерапрыемства, а таксама, каб адпомсціць.

Суд над Патаповічам: згадка пра белую кашулю і хвароба пацярпелага

На першым пасяджэнні пацерпелыя міліцыянты Уладзімір Буйніцкі і Алег Вікторка казалі, што ніякіх пашкоджанняў ці матэрыяльных страт не панеслі. Падчас здарэння яны былі вымушаныя адскочыць на некалькі метраў ад машыны і пры гэтым "перажылі стрэс".

16 снежня суд глядзеў запісы з камер відэаназірання з месца здарэння, а таксама разглядаў праведзены на папярэднім следстве эксперымент. Большая частку паседжання ўдзельнікі працэсу тоўпіліся ля экрана ноўтбуку і спрачаліся, што дакладна яны там бачаць, часамі падавалася, што бачаць яны там супрацьлеглае. Следчы эксперымент павінен быў ацаніць, што можна было разгледзець з акна аўтамабіля у тую ноч.

Панятыя (у іх ролі выступілі афіцэры МНС) спрабавалі з-за руля аўтамабіля ў начны час адказаць, ці бачаць яны статыстаў у пазіцыях, дзе знаходзіліся міліцыянты, і ці могуць яны зразумець, што гэта супрацоўнікі. Але калі ў Патаповіча на тое былі літаральна секунды, час для панятых быў ніяк не абмежаваны: яны маглі ўзірацца, пакуль не прымуць канчатковае рашэнне. На гэтым этап судзебнага следства практычна скончаны.

17 снежня ў суд усё ж прыйшлі тыя супрацоўнікі МНС, якія былі панятымі. Яны пацвердзілі, што ўзірацца ім можна было доўга і распазнавалі міліцыянтаў яны толькі ў апошні момант. Таму суд вырашыў сам паўтарыць следчы эксперымент. Калі – пакуль невядома.