Праваабарончы цэнтр «ВЯСНА»

Навіны за Люты 2014

27.02.2014 Прызначана дата суда ў справе Віктара Шаршуна

У панядзелак 3 сакавіка ў судзе Цэнтральнага раёна а 10-й гадзіне пачнецца разгляд справы мінчука Віктара Шаршуна, збітага міліцыянтамі за бел-чырвона-белы сцяг на гаўбцы. Аднак неправамерныя дзеянні праваахоўнікаў не стануць прадметам судовага разбіральніцтва.

27.02.2014 Парламенцкія "давыбары" ў Кобрыне і Крычаве праводзіца не будуць

Зазуля і Краўцоў, прызначаныя кіраўнікамі ў Кобрынскі райвыканкам і Гродзенскі аблвыканкам адпаведна, насуперак закону не склалі свае дэпутацкія паўнамоцтвы. Яны працягваюць працаваць і ў выканаўчай, і ў заканадаўчай уладзе. Пры гэтым абодва сцвярджаюць, што ў парламенце ім заробак не налічваюць.

27.02.2014 Скасаваная рэгістрацыя апазіцыйнага кандыдата ў дэпутаты

На пасяджэнні 26 лютага гарадская выбарчая камісія скасавала рэгістрацыю кандыдата ў дэпутаты ад Беларускай партыі левых "Справядлівы свет" Анатоля Заўялава. Ён вылучаўся партыяй па магілёўскай Сасновай выбарчай акрузе №18.

27.02.2014 Гомельская праваабаронца змагаецца за захаванне цыганскай сям'і

Гомельская актывістка БХК Марыя Клімовіч (Багдановіч) атрымала з аддзела адукацыі, спорту і турызму Гомельскага райвыканкама адказ на ліст, у якім яна прасіла начальніка аддзела Ірыну Багданец паспрыяць перагляду рашэння райвыканкама аб адабраннi дзяцей у шматдзетнай цыганкі

27.02.2014 Палітвязень Андрэй Гайдукоў сустрэўся ў калёніі з бацькамі

Сям’я Андрэя Гайдукова, які адбывае пакараньне ў Магілёўскай калёніі №19, вярнулася з доўгатэрміновага спатканьня. Пра гэта паведаміла яго маці Вольга Гайдукова.

27.02.2014 Салігорскі тэлеканал дыскрэдытуе незалежнага назіральніка (відэа)

У сваім апошнім рэпартажы пра выбары ў мясцовы Савет дэпутатаў Салігорскі тэлевізійны канал заняўся дыскрэдытацыяй тутэйшага прадстаўніка Беларускага Хельсінскага камітэту Леаніда Мархоткі, які ажыццяўляе доўатэрміновае назіранне за ходам выбарчай кампаніі на Салігоршчыне.

26.02.2014 У Бярозаўскім райвыканкаме сумачкі адбіраюць “для камфорту”

Бярозаўскі райвыканкам адказаў на скаргу, якую пакінулі ў кнізе заўвагаў стараста аднаго са шматкватэрных дамоў Тамара Шчапёткіна і сябра савета гэтага дома Святлана Свірская. У адказе паведамілі пра тое, што “прапануюць здымаць вопратку і пакідаць сумачкі і пакеты, каб заяўнікам на прыёме было камфортней сябе адчуваць, і каб не горача”.

26.02.2014 Пікет да Дня Волі ў Глыбокім забаронены

Прычына забароны ўжо традыцыйная: адсутнасць дамоў на абслугоўванне акцыі медыкамі, камунальнымі службамі і міліцыяй. Пры гэтым раённае міліцэйскае кіраўніцтва наўпрост заявіла ініцыятарам пікету, што заключаць папярэднія дамовы адмаўляецца.

26.02.2014 Орша: кандыдату ў дэпутаты забаранілі выступ на радыё

Запіс быў зроблены 25 лютага і сёння павінны быў выйсці ў эфір. Але ідэолагам не спадабаўся адзін з абзацаў выступу, які зачытваў кандыдат Мікалай Дзямідаў.

26.02.2014 Сёння Барысу Звозскаву споўнілася б 65 год

Вядомы праваабаронца пайшоў з жыцця у 2012 годзе пасля цяжкай і працяглай хваробы. У ягоны гонар была змененая назва беларускага ДПЧ у Вільні - на Беларускі дом правоў чалавека імя Барыса Звозскава.

26.02.2014 Матэрыялы з інтэрнэту будуць доказамі ў судзе

Зь ліпеня гэтага году натарыюсы атрымліваюць права аглядаць пісьмовыя доказы, у тым ліку і разьмешчаныя ў сетцы Інтэрнэт, і складаць адпаведныя пратаколы.

26.02.2014 Валянцін Стэфановіч: "Нічога прынцыпова новага, што можа паўплываць на беларусаў, у новай рэдакцыі Закона "Аб ваенным становішчы" я не ўбачыў"

Не ўсе згодныя з тым, што новая рэдакцыя Закона "Аб ваенным становішчы" з'яўляецца чымсьці радыкальным, а прапанаваныя змены наўрад ці звязаныя з падзеямі ва Украіне. Такое меркаванне намеснік кіраўніка ПЦ "Вясна" Валянцін Стэфановіч выказаў у каментары TUT.BY.

26.02.2014 Запрашаем на круглы стол

Запрашаем на круглы стол “Палітычныя зняволеныя: падыходы праваабаронцаў. Крытэрыі”. Круглы стол адбудзецца 3 сакавіка ў 11 гадзін у памяшканні “Арт-сядзібы” (Інструментальны завулак 6, офіс 105).

26.02.2014 Баранавічы: жыхары адмаўляюцца прымаць удзел у выбарах

Жыхары вуліцы Дамашэвічскай і 3-га завулка Дамашэвічскага адмаўляюцца прымаць удзел у выбарах 23 сакавіка. Гэта стала вядома з ліста кандыдата ў дэпутаты гарадскога і абласнога Саветаў Мікалая Чарнавуса, які ён накіраваў у Цэнтральную выбарчую камісію на імя Лідзіі Ярмашынай.

26.02.2014 Брэст: адмова прадстаўніку БСДП (Грамада) у рэгістрацыі кандыдатам у дэпутаты гарадскога савета прызнаная неабгрунтаванай

Гарадская выбарчая камісія аргументавала сваё рашэнне адмовіць у рэгістрацыі Генадзю Ігумнаву тым, што ён не пазначыў у свай дэкларацыі зямельны ўчастак на лецішчы. Сам Ігумнаў сцвярджае, што гэты ўчастак ім прададзены яшчэ некалькі гадоў таму.