Праваабарончы цэнтр «ВЯСНА»

Навіны за 2 лютага 2014

02.02.2014 Гомель: Уладзімір Сякерка дабіваецца адказу на пытанне: ці быў санкцыянаваны мітынг праўладных камуністаў і БРСМ

2 лютага старшыня Гомельскай абласной арганізацыі партыі левых «Справядлівы свет» Уладзімір Сякерка накіраваў электронны зварот старшыні Гомельскага гарвыканкаму Пятру Кірычэнка. Лідара мясцовых лідараў абурыла, што ён не атрымаў з гарвыканкаму адказу на свой зварот.

02.02.2014 Абсурдам назваў дэпутат неабходнасць справаздачыцца за сваю дзейнасць (дакумент)

Старшыня Брэсцкага гарадскога савета дэпутатаў Генадзь Масько лічыць абсурдам, каб дэпутаты трымалі справаздачу перад людзьмі, што дзейнічаюць ад імя грамадзянскай ініцыятывы “Сацыяльны офіс”.

02.02.2014 Баранавічы: “Пенсіі +5%, кошты +15%. Хто памяняе працэнты месцамі?” (фота)

У Баранавічах на цэнтральным кааператыўным кірмашыбыў арганізаваны першы пікет па збору подпісаў за прэтэндэнта ў кандыдаты гарсавета па выбарчай акрузе № 35, сябра Партыі БНФ Мікалая Чарнавуса. Арганізатары пікету вывесілі вялікі чорна-белы плакат: “Пенсіі +5%, кошты +15%. Хто памяняе працэнты месцамі? Не будзь скупым. Падпішыся”.

02.02.2014 Моўнай роўнасці салігорцы спрабуюць дамагчыся праз Адміністрацыю прэзідэнта

Ужо амаль год цягнецца змаганне салігорскіх грамадскіх актывістаў за моўную роўнасць у эфіры мясцовага тэлеканала СТК. Цяпер справа дайшла да разгляду пытанння ў Галоўным ідэалагічным упраўленні Адміністрацыі прэзідэнта.

02.02.2014 Людзі ў цывільным нападаюць на пікет Марыны Хоміч

Перад Камароўскім рынкам у Менску міліцыянты замінаюць правесьці пікет прамоўцы Беларускай Хрысціянскай Дэмакратыі, лідара аргкамітэту ГА "Маладыя Хрысціянская Дэмакратыя" Марыны Хоміч.

02.02.2014 Бялыніцкі раён: подпісы за праўладных кандыдатаў збіраюць у працоўны час

Пры зборы подпісаў за кандыдатаў у дэпупутаты раённага і сельскіх Саветаў члены ініцыятыўных груп праўладных кандыдатаў вельмі часта парушаюць правілы запаўнення падпісных лістоў, збіраючы толькі подпісы грамадзян за вылучэнне кандыдатаў, і самастойна прастаўляючы даты.

02.02.2014 На ўсіх 23-х фанатаў БАТЭ, якія зладзілі акцыю салідарнасцю з Украінай, гатовыя судовыя пастановы

На ўсіх 23-х барысаўскіх удзельнікаў акцыі ў падтрымку Майдана ляжаць гатовыя лісты судовых пастаноў на розныя адміністрацыйныя тэрміны,паведаміў у сваім фэйсбуку грамадскі дзеяч з Барысава Сяргей Салаш, які шчыльна кантактуе з заўзятарамі.

02.02.2014 Кнігу Валера Карбалевіча мытнікі прапанавалі забраць, але з экспертызай знаёміць адмаўляюцца

Ашмянскія мытнікі паабяцалі вярнуць кнігу Валера Карбалевіча “Аляксандр Лукашэнка - палітычны партрэт” салігорцу Аляксандру Малочку. Патрабаванне салігорца азнаёміць яго з заключэннем эксперта кіраўніцтва мытні наўпрост праігнаравала, а за кнігай прапанавалі прыехаць самому ў Ашмяны.