Праваабарончы цэнтр «ВЯСНА»

Навіны за 19 лютага 2014

19.02.2014 Чарговае пракурорскае папярэджанне незалежнаму журналісту

19 лютага Юрый Дзяшук быў чарговы раз выкліканы ў пракуратуру, дзе журналісту і было ўручана афіцыйнае папярэджанне. Гаворка ў папярэджанні ідзе пра забарону працаваць без акрэдытацыі на карысць замежных сродкаў масавай інфармацыі, а таксама пра недапушчальнасць публікацыі неправеранай інфармацыі. Цікава, што пісьмовую копію папярэджання журналісту ў пракуратуры перадаць адмовіліся.

19.02.2014 Маладафронтавец абскарджвае накіраванне ў псіхлячэбніцу

Аляксандр Латышаў падаў скаргу начальніку упраўлення аховы здароўя Гомельскага аблвыканкама, бо лічыць, што жлобінскі псіхіятр незаконна накіраваў яго на лячэнне.

19.02.2014 Еўрасаюз і Беларусь запускаюць новы фармат супрацоўніцтва з удзелам грамадзянскай супольнасці

Еўрапейскі саюз і Беларусь гатовы запусціць "Часовую фазу" супрацоўніцтва — новы дыялогавы фармат з удзелам грамадзянскай супольнасці. Пра гэта паведаміў у эксклюзіўным інтэрв`ю БелаПАН кіраўнік дэпартамента Усходняга партнёрства Еўрапейскай службы знешніх дзеянняў Дзірк Шубель, які знаходзіцца з рабочым візітам у Мінску.

19.02.2014 ЦВК ўнесла змены ў Палажэнне аб накіраванні назіральнікаў на ўчасткі пасля звароту БХК

Цэнтральная камісіі Рэспублікі Беларусь па выбарах і правядзенні рэспубліканскіх рэферэндумаў 19 лютага задаволіла зварот Беларускага Хельсінкскага камітэта і ўнесла змены ў Палажэнне аб накіраванні назіральнікаў на ўчасткі: цяпер вылучаць назіральнікаў будуць мець магчымасьць цэнтральныя кіруючыя органы партый ды іншых грамадзкіх аб'яднанняў.

19.02.2014 “Райаддзел так супраць, што гэта жах…”

Віктар Бугаёў з горада Дуброўна Віцебскай вобласці, асуджаны ў 2008 годзе, нават пасля вызвалення не пакідае спробаў дамагчыся змены прысуду. І некаторыя акалічнасці яго справы, на думку праваабаронцаў, прымушаюць усумніцца ў бесстароннасці супрацоўнікаў Дубровенскага РАУС у адносінах да былога зняволенага.

19.02.2014 Лукашэнка пагражае прадпрымальнікам, якія будуць удзельнічаць у забастоўках

18 лютага на нарадзе, дзе прысутнічалі чыноўнікі і прадпрымальнікі, Лукашэнка заявіў апошнім: “Мяне не трэба пужаць. Калі хтосьці з вас пачне баставаць, я выдам такі ўказ, што вы ўжо не зможаце выйсці на працу не толькі на сваёй гандлёвай кропцы, але ні ў адным месцы краіны”.

19.02.2014 У Жодзіне зарэгістравалі ўсіх, каго вылучалі

17 лютага на паседжанні Жодзінскай ГВК былі абвешчаныя кандыдатамі ўсе прэтэндэнты, якія вылучыліся на мясцовыя выбары ад працоўных калектываў (39) і інцыятыўнымі групамі (9).

19.02.2014 У Магілёве незалежныя журналісты пад увагай чыноўнікаў і праваахоўнікаў

Старшыня Магілёўскага аблвыканкама Пётр Руднік загадаў “сцерці ў парашок пісак” з незалежнай маланакладнай газеты “НАШ Магілёў”, а ўчастковы цікавіцца, чым займацца незалежны журналіст Алесь Буракоў (старэйшы).