Праваабарончы цэнтр «ВЯСНА»

Навіны за Лістапад 2013

21.11.2013 "Маўклівыя" акцыі і наведваньне падаткавай інсьпекцыі

Працяг лістоў зняволенага праваабаронцы Алеся Бяляцкага, напісаных ім у бабруйскай калоніі. З блогу на “Беларуском партизане”.Першыя лісты-успаміны з гэтай серыі былі напісаныя ў верасні 2012 года, апошнія – у чэрвені 2013:

21.11.2013 Леанід Смоўж накіраваў скаргу ў пракуратуру

Ён скардзіцца на ўмовы ўтрымання ў цэнтры ізаляцыі правапарушальнікаў на Акрэсціна, дзе апынуўся пасля затрымання на акцыі ў Лошыцы.

21.11.2013 Расеец, за злачынствы якога адседзелі беларусы, атрымаў пажыцьцёвае

Маскоўскі абласны суд прызнаў грамадзяніна Расеі Васіля Хілецкага вінаватым у згвалтаваньнях і некалькіх забойствах. Хілецкага асудзілі на пажыцьцёвае зьняволеньне, паведаміў Сьледчы камітэт Расеі.

21.11.2013 Бастунец: У рэгістрацыі інтэрнэт-СМІ больш мінусаў, чым плюсаў

Намеснік міністра інфармацыі Дзмітрый Шадко заявіў пра распрацоўку зменаў у Закон аб СМІ, якія “з мэтай арганізацыі ў Інтэрнэце эфектыўнага процідзеяння негатыўным сацыяльным з'явам” могуць забявязаць інтэрнэт-выданні зарэгістравацца ў якасці сродкаў масавай інфармацыі.

21.11.2013 Супраць Дзяніса Дашкевіча распачынаюць крымінальную справу

У Рагачове супраць мясцовага актывіста Дзяніса Дашкевіча ўлады распачалі крымінальную справу "за знявагу прадстаўнікоў улады" на сайце vrogacheve.ru. Крымінальны працэс узбуджаны па факце заявы намесніка старшыні райвыканкама В. Каральчука.

20.11.2013 Баранавічы: пададзена заява да 65-х угодкаў Усеагульнай дэкларацыі правоў чалавека

Грамадскі актывіст Вячаслаў Болбат 20 лістапада падаў заяву на імя старшыні Баранавіцкага гарвыканкама аб правядзенні пікета, прысвечанага 65-м угодкам прыняцця Усеагульнай дэкларацыі правоў чалавека. Запланавана, што пікет пройдзе пад лозунгамі: “Свабода палітычным вязням”, “Кантрактная сістэма – інструмент пакарання” і інш.

20.11.2013 Улады Хоцімскага раёна дазволілі пікет супраць замежных вайсковых баз з чацвёртага разу

Хоцімкі райвыканкам - адзіны ў краіне, які даў дазвол на правядзенне пікету супраць размяшчэння на тэрыторыі Беларусі замежных вайсковых баз і вайсковых аб’ектаў. Раней на ўсе заяўкі актывістаў Партыі БНФ на правядзенне аналагічных пікетаў у самых розных рэгіёнах Беларусі прыходзілі толькі адмоўныя адказы.

20.11.2013 Жыхары вёскі Верхняе выступаюць супраць зніжэння сацыяльных стандартаў

Даведаўшыся, што ў Глыбоцкім раёне збіраюцца зачыніць 17 паштовых аддзяленняў, і адно з іх – у іхнай вёсцы, жыхары Верхняга пішуць лісты пратэсту. "Мы распачынаем цэлую кампанію "Уратуем вёску", -- гаворыць мясцовы жыхар, актывіст кампаніі "Гавары праўду" Яраслаў Берніковіч.

20.11.2013 Максім Вінярскі: “Калі на судзе ілжэсведчылі мы, а не супрацоўнікі міліцыі, то няхай нас і пакараюць“

Актывісты "Еўрапейскай Беларусі" Максім Вінярскі і Леанід Кулакоў, якія выступалі 4 лістапада сведкамі на адміністратыўным працэсе па справе гамяльчаніна Юрыя Рубцова звярнуліся ў суд з адмысловымі заявамі, у якіх просяць пакараць за ілжэсведчанне альбо супрацоўнікаў міліцыі, альбо саміх актывістаў.

20.11.2013 Размаўляць з уладамі трэба на такой мове, якую яны разумеюць

20.11.2013 Naka запісала сінгл супраць смяротнага пакарання

Напярэдадні вялікага сольнага канцэрта група Naka прадставіла новы сінгл « Я жыву» . Выхад менавіта гэтай песні ў якасці сінгла стаў лагічным працягам удзелу Насты Шпакоўскай у праекце «Апошні Золак».

20.11.2013 За ўтрыманне ў спецыялізаваных ізалятарах органаў унутраных спраў будуць спаганяць Br325 тыс.

У Беларусі вызначаны памер кампенсацыі выдаткаў на ўтрыманне асоб, змешчаных у спецыялізаваны ізалятар органа ўнутраных спраў.

20.11.2013 Бяроза: суд стаў на бок выканкама ў справе забароны пікета супраць смяротнага пакарання

19 лістапада ў судзе Бярозаўскага раёна адбыўся разгляд скаргі праваабаронцаў Тамары Шчапёткінай і Сяргея Русецкага, а таксама грамадскай актывісткі Таццяны Тарасевіч на рашэнне райвыканкаму аб забароне пікета супраць смяротннага пакарання, які планаваўся 10 кастрычніка.

20.11.2013 Заяўка на пікет да Дня правоў чалавека пададзена ў Салігорску

Праваабарончы пікет мусіць не толькі звярнуць увагу грамадскасці на важную дату ў сусветнай гісторыі, але і стаць сродкам пратэсту супраць парушэння правоў чалавека дзеючымі беларускімі ўладамі.

19.11.2013 У Магілёве ў актывіста БСДП адбіраюць пакой у інтэрнаце

“Я ветэран працы і мяне, старога чалавека, перасяляюць у іншае месца, у іншы інтэрнат, дзе я буду жыць у пакоі з двума іншымі маладымі людзьмі. Гэта сведчыць пра знявагу старых людзей з боку дзяржавы, бо мне 67 гадоў, і са мной не ваяваць трэба, а праяўляць клопат, бо ўсё сваё жыццё я працаваў сумленна".