Праваабарончы цэнтр «ВЯСНА»

Навіны за 15 лістапада 2013

15.11.2013 Намінанты прэміі Гавела даслалі Алесю Бяляцкаму віншаванні з гэтай узнагародай

Ліст з віншаваннем Алесю Бяляцкаму ў бабруйскую калонію прыйшоў ад Цэнтра абароны асобаў з псіхічнай інваліднасцю (Mental Disability Advocacy Center) з Венгрыі: “Людзі накшталт Вас натхняюць нас надалей выступаць супраць парушэнняў правоў чалавека, з якімі многія па-ранейшаму сутыкаюцца кожны дзень”.

15.11.2013 Праваабаронцы патрабуюць змяніць Закон «Аб псіхіятрычнай дапамозе»

7 студзеня 2012 уступіл у сілу Закон Рэспублікі Беларусь № 349-3 "Аб аказанні псіхіятрычнай дапамогі". Нічога асаблівага на першы погляд, але варта надаць асаблівую ўвагу некаторым, здавалася б нязначным артыкулам.

15.11.2013 Зьміцер Бародка: Грамадства гатовае і жадае зьменаў

Вязьні сумленьня ў Беларусі надалей за кратамі, пры гэтым аглядальнікі і палітыкі лічаць, што гандаль палітвязьнямі ўлады Беларусі і надалей вядуць. Але неўзабаве сытуацыя павінна зьмяніцца, лічыць Зьміцер Бародка, каардынатар грамадзянскай кампаніі „Разам для Беларусі”. Чамуі якія для гэтага сасьпелі прычыны – палітык распавядае для palitviazni.info.

15.11.2013 Міжнародны дзень пісьменнікаў у зняволенні

Штогод 15 лістапада Міжнародны ПЭН-клуб ушаноўвае пісьменнікаў, якія знаходзяцца ў зняволенні і церпяць уціск за сваё змаганне за адно з найважнейшых чалавечых правоў — права на свабоду выяўлення.

15.11.2013 Заява Праваабарончага цэнтра “Вясна” адносна арышту праваабаронцы Андрэя Бандарэнкі

ПЦ "Вясна" расцэньвае затрыманне і адміністратыўны пераслед дырэктара прыватнай культурна-асветніцкай установы "Платформ інавейшн" Андрэя Бандарэнкі як выключна беспадстаўны і матываваны, які груба парушае прынятыя на сябе дзяржавай міжнародныя абавязацельствы ў галіне абароны правоў чалавека, і патрабуе неадкладнага вызвалення праваабаронцы.

15.11.2013 У Быхаўскім раёне ліквідуюць сельсаветы

На 25-й пазачарговай сесіі Быхаўскага раённага Савета дэпутатаў, якая адбылася 11 лістапада, было разгледжана пытанне “Аб зменах у адміністрацыйна-тэрытарыяльным складзе Быхаўскага раёна”.

15.11.2013 Еўрарадыё працягнулі акрэдытацыю ў Беларусі

Адпаведную пастанову падпісаў прэм'ер-міністр Міхаіл Мясніковіч. Яна змешчана на Нацыянальным прававым інтэрнэт-партале Беларусі.

15.11.2013 Рабочых МАЗа пераводзяць на чатырохдзёнку, скарачаюць заробак

У рэдакцыю «НН» ананімна паведамілі, што ад заўтрашняга дня (15 лістапада) і да канца года ўсе пятніцы на Мінскім аўтамабільным заводзе (МАЗ) абвешчаныя выходнымі днямі з аплатай 2/3 ад акладу.

15.11.2013 Яшчэ адзін пакараны арыштам за пікет памяці Пцічкіна

Па справе аб пікеце ў памяць Ігара Пцічкіна арыштаваны яшчэ адзін чалавек. Аляксандар Данілаў пакараны 5 суткамі арышту за разагнаны міліцыяй 14 верасьня пікет у памяцьІгара Пцічкіна, які загінуў у СІЗА.

15.11.2013 Віцебскі абласны суд задаволіў скаргу актывістаў. Але – толькі часткова

Хрыстафор Жаляпаў і Аляксей Гаўруцікаў абскарджвалі пастанову Першамайскага райсуду, куды звярнуліся пасля атрымання чарговай забароны на правядзенне пікета. Як і раённы суд, калегія Віцебскага абласнога суду прызнала забарону законнай, але накіравала на перагляд справу ў той частцы, якая тычылася адмоваў ад супрацоўніцтва з актывістамі з боку міліцыі і цэнтральнай гарадской паліклінікі.

15.11.2013 Праваабаронцы адзначаюць некрытычныя змены ў салігорскай медыяпрасторы

Салігорскія прадстаўнікі Беларускага Хельсінскага камітэту працягваюць адсочваць сітуацыю са свабодай слова ў рэгіёне. Праваабаронцы адзначаюць захаванне статусу-кво у гэтай сферы цягам апошніх месяцаў з невялікім крэнам у бок паляпшэння сітуацыі.

15.11.2013 Рэха “афрыканкай чумы” ў Бярозе: у вяскоўца анулявалі даведку на вядзенне гаспадаркі

Незаконнасць вядзення дапаможнай гаспадаркі Аляксандрам Аліхверам улады ўбачылі толькі пасля ягоных актыўных пратэстаў супраць знішчэння пагалоўя свіней -- праз некалькі гадоў, і ў выніку анулявалі даведку на яе вядзенне. Цяпер А.Аліхвер не можа ні гадаваць, ні прадаваць свіней, а іх у гаспадара 200.