Праваабарончы цэнтр «ВЯСНА»

Навіны за 11 лістапада 2013

11.11.2013 Старшыня Гомельскага абласнога суда накіраваў справу Дзяніса Рабянка на новы разгляд

Сем месяцаў спатрэбілася актывісту АГП з Калінкавічаў Дзянісу Рабянку, каб дамагчыся абароны сваіх правоў. Нагадаем, што яшчэ ў красавіку гэтага году на актывіста здзейсніў напад агрэсіўны сусед, распыліўшы Дзянісу Рабянку ў твар газавы балончык.

11.11.2013 Паездка ў Гарошкаў за архівам сябра і паэта Анатоля Сыса

Працяг лістоў зняволенага праваабаронцы Алеся Бяляцкага, напісаных ім у бабруйскай калоніі. З блогу на “Беларуском партизане”.Першыя лісты-успаміны з гэтай серыі былі напісаныя ў верасні 2012 года, апошнія – у чэрвені 2013 г.

11.11.2013 Дзяржорганы пакрываюць складальнікаў “чорных спісаў”

Намеснік старшыні ПЦ “Вясна” Валянцін Стэфановіч у перапісцы з рознымі дзяржаўнымі ўстановамі так і не атрымаў адказу наконт таго, які дзяржорган унёс сайт spring96.org у спіс інтэрнэт-рэсурсаў абмежаванага доступа.

11.11.2013 Суд «БЕЛСАТплюс» супраць «Белсат ТВ» адклалі да 9 снежня

Вярхоўны суд вырашыў перанесці разгляд справы. Пра гэта прасіў прадстаўнік тэлеканала Міхась Янчук.

11.11.2013 Amnesty International працягвае падтрымліваць доктара Пастнова

Праваабарончая арганізацыя паведамляе, што працягне падтрымліваць доктара Ігара Пастнова і дапаможа арганізаваць яго незалежнае мэдычнае абсьледаваньне.

11.11.2013 Адміністратарка друкарскага цэнтру «Карандаш» Алена Рыбак адхіленая ад працы

Гэтак дырэктар акцыянэрнага таварыства «Інфаэкспэрт», якому падпарадкаваны «Карандаш», адрэагаваў на звароты барысаўскіх праваабаронцаў Ігара Ледніка і Алега Мацкевіча, якія публічна выказалі абурэньне дзеяньнямі Алены Рыбак у гісторыі з мапай Усходніх могілак «Беларускі нэкропаль».

11.11.2013 Зьміцер Дашкевіч скардзіцца на ўмовы ўтрыманьня на Акрэсьціна

11 лістапада сустаршыня «Маладога фронту»Зьміцер Дашкевіч паскардзіўся ў пракуратуру Менску. Дашкевіч просіць праверыць, ці адпавядаюць стандартам умовы ўтрыманьня ў Цэнтры ізаляцыі правапарушальнікаў на завулку Акрэсьціна.

11.11.2013 Гомель: на Зміцера Карашкова склалі пратакол за незаконнае пікетаванне (дапоўнена)

Уранку 11 лістапада на цэнтральнай плошчы Леніна ў Гомелі быў затрыманы каардынатар грамадзянскай кампаніі «Хопіць піць — трэба жыць» Зміцер Карашкоў. Ён выйшаў на плошчу з антыалкагольным пікетам. Перад вокнамі аблвыканкама актывіст разгарнуў вялізны надпіс «Спыніце продаж алкаголю каля школ».

11.11.2013 Асуджаны крычаўскі міліцыянер, які выбіваў прызнанні ў затрыманага

Малодшы оперупаўнаважаны аддзялення крымінальнага вышуку Крычаўскага РАУС, старэйшы сяржант міліцыі асуджаны Бабруйскім міжгарнізонным судом за тое, што ў літаральным сэнсе выбіваў прызнанне ў жыхара Крычава, каб атрымаць ад яго паказанні ў здзяйсненні злачынства, якога той не здзяйсняў.

11.11.2013 Прысуд Леаніду Смаўжу - 5 сутак арышту

У судзе Ленінскага раёна Менска разглядалася адміністрацыйнай справы Леаніда Смаўжа, затрыманага 10 лістапада пасля шэсьця і мітынгу ў Лошыцы. Падставаю для затрыманьня паслужыла тая акалічнасць, што жыхар Стаўбцоўскага раёна прыйшоў на акцыю ў майцы «За Беларусь без Лукашэнкі».

11.11.2013 Брэст: абласны суд адхіліў скаргу прафсаюзнага актывіста “Граніта”

Сябра Беларускага незалежнага прафсаюза Леанід Дубаносаў спрабаваў аспрэчыць рашэнне суда Лунінецкага раёна, які не аднавіў яго на працы на прадпрыемстве “Граніт” і не прызнаў факт дыскрымінацыі з-за прафсаюзнай прыналежнасці.