Праваабарончы цэнтр «ВЯСНА»

Навіны за 21 лістапада 2013

21.11.2013 Ад уладаў Быхава патрабуюць вызначыць месцы для правядзення масавых мерапрыемстваў

Старшыня Быхаўскай раённай арганізацыі Партыі БНФ, пісьменнік Сяргей Антонаў 21 лістапада падаў у мясцовы райвыканкам пісьмовы зварот да яго старшыні Дзмітрыя Калеева. У звароце Сяргей Антонаў просіць старшыню райвыканкама вызанчыць месца для правядзення пікетаў на тэрыторыі горада Быхава.

21.11.2013 Адміністрацыйная камісія пакарала актывіста “свінога бунту”

Адміністрацыйная камісія пры Бярозаўскім райвыканкаме, якая 20 лістапада паўторна разгледзела справу Аляксандра Аліхвера, пакарала яго штрафам у мільён трыста тысяч рублёў за ўтрыманне свіней у 5-кіламетровай зоне ад 2 невялікіх дзяржаўных свінаферм Сашыца і Хойнікі.

21.11.2013 Шклоўскі райсавет распачаў падрыхтоўку да мясцовых выбараў

Дэпутаты заслухалі інфармацыю аб устанаўленні колькасці выбарчых акруг і сярэдняй колькасці выбаршчыкаў на выбарчую акругу на маючых адбыцца выбарах у раённы Савет, якую прадставіла начальнік арганізацыйна-кадравага аддзела Шклоўскага райвыканкама Алена Пекерт.

21.11.2013 Баранавічы: актывіст павінен заплаціць на карысць МУС 175 тысяч рублёў

У судзе Аляксандр Вайцешык даказваў, што менавіта супрацоўнік міліцыі ўчыніў яму 22 цялесных пашкоджанні, што было зафіксавана судова-медыцынскай экспертызай 27 ліпеня 2011 года. Дадзены канфлікт паміж грамадскім актывістам і супрацоўнікам міліцыі, які быў у цывільным адзенні, адбыўся днём ва ўласнай кватэры Вайцешыка.

21.11.2013 Гродна: суд па скарзе аб забароне пікета прызначаны на 4 снежня

21 лістапада ў судзе Ленінскага раёна Гародні прайшлі папярэднія слуханні па скарзе праваабаронцаў Віктар Сазонава, Уладзіміра Хільмановіча і Рамана Юргеля на рашэнне Гарадзенскага гарадскога выканкаму аб забароне пікета 10 кастрычніка.

21.11.2013 Брэст: жыхары мікрараёна Рэчыца скардзяцца на гарвыканкам

Мясцовыя актывісты кампаніі “Гавары праўду!” накіравалі скаргу ў Брэсцкі аблавыканкам і кіраўніцтва ДАІ ў сувязі з нездавальняючым адказам гарадскіх уладаў наконт добраўпарадкавання вуліцы Сонечнай.

21.11.2013 Ярмошына: Ніякіх прычын праводзіць «прэзідэнцкія выбары» датэрмінова няма

Дату правядзення прэзідэнцкіх выбараў у Беларусі пераносілі толькі аднойчы і тады прычына была сур’ёзная — «дачны сезон», мяркуе Ярмошына.

21.11.2013 "Маўклівыя" акцыі і наведваньне падаткавай інсьпекцыі

Працяг лістоў зняволенага праваабаронцы Алеся Бяляцкага, напісаных ім у бабруйскай калоніі. З блогу на “Беларуском партизане”.Першыя лісты-успаміны з гэтай серыі былі напісаныя ў верасні 2012 года, апошнія – у чэрвені 2013:

21.11.2013 Леанід Смоўж накіраваў скаргу ў пракуратуру

Ён скардзіцца на ўмовы ўтрымання ў цэнтры ізаляцыі правапарушальнікаў на Акрэсціна, дзе апынуўся пасля затрымання на акцыі ў Лошыцы.

21.11.2013 Расеец, за злачынствы якога адседзелі беларусы, атрымаў пажыцьцёвае

Маскоўскі абласны суд прызнаў грамадзяніна Расеі Васіля Хілецкага вінаватым у згвалтаваньнях і некалькіх забойствах. Хілецкага асудзілі на пажыцьцёвае зьняволеньне, паведаміў Сьледчы камітэт Расеі.

21.11.2013 Бастунец: У рэгістрацыі інтэрнэт-СМІ больш мінусаў, чым плюсаў

Намеснік міністра інфармацыі Дзмітрый Шадко заявіў пра распрацоўку зменаў у Закон аб СМІ, якія “з мэтай арганізацыі ў Інтэрнэце эфектыўнага процідзеяння негатыўным сацыяльным з'явам” могуць забявязаць інтэрнэт-выданні зарэгістравацца ў якасці сродкаў масавай інфармацыі.

21.11.2013 Супраць Дзяніса Дашкевіча распачынаюць крымінальную справу

У Рагачове супраць мясцовага актывіста Дзяніса Дашкевіча ўлады распачалі крымінальную справу "за знявагу прадстаўнікоў улады" на сайце vrogacheve.ru. Крымінальны працэс узбуджаны па факце заявы намесніка старшыні райвыканкама В. Каральчука.