viasna on patreon

Гродна: суд па скарзе аб забароне пікета прызначаны на 4 снежня

2013 2013-11-21T19:41:44+0300 2013-11-21T19:41:44+0300 be https://spring96.org/files/images/sources/sudy-3.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

21 лістапада ў судзе Ленінскага раёна Гародні прайшлі папярэднія слуханні па скарзе праваабаронцаў Віктар Сазонава, Уладзіміра Хільмановіча і Рамана Юргеля на рашэнне Гарадзенскага гарадскога выканкаму аб забароне пікета 10 кастрычніка. Рашэнне Гарадзенскага гарвыканкаму ад 4 кастрычніка падпісала намесніца старшыні мясцовай “вертыкалі” Алена Агей. У Сусветны дзень змагання супраць смяротнага пакарання праваабаронцы хацелі праінфармаваць насельніцтва пра сітуацыю з дадзеным відам пакарання ў свеце і Беларусі з патрабаваць адмены смяротнага пакарання ў краіне. Гарвыканкам, на думку заяўнікаў, парушыў іх канстытуцыйныя правы, прычым выставіў абсурдныя прычыны адмовы. Так, чыноўнікі адной з прычынаў адмовы назвалі тое, што заяўнікі не ўказалі пісьмова, ці збіраюцца яны выкарыстоўваць у час пікету піратэхнічныя і выбуховыя сродкі.

Слуханні ў прысутнасці адказніка – прадстаўніка юрыдычнага аддзелу гарвыканкаму правяла суддзя Вольга Шуманская. Бакі выклалі свае асноўныя пазіцыі. Асноўны працэс грамадзянскай справы па разглядзе скаргі прызначаны на 4 снежня.

Апошнія навіны

Партнёрства

Сяброўства