Праваабарончы цэнтр «ВЯСНА»

Навіны за Травень 2012

29.05.2012 На актывістаў, якія дамагаюцца змены выбарчага заканадаўства, аказваецца ціск

Як распавёў адзін з брэсцкіх сябраў ініцыятыўнай групы Віктар Чайкоўскі, нягледзячы на тое, што спісы яшчэ толькі передадзены ў Цэнтрвыбаркам, і рашэнне пра рэгістрацыю ініцыятыўнай групы не прынята, некаторых актывістаў ужо пачалі запалохваць супрацоўнікі міліцыі і КДБ.

29.05.2012 Паўлоўскаму-малодшаму не дазволілі пікетаваць Акадэмію навук

Малады вучоны збіраўся зладзіць пікет каля Інстытута фізіалогіі Нацыянальнай акадэміі навук 30 траўня. З дапамогай пікета Аляксей Паўлоўскі хацеў прыцягнуць увагу да праблемы з непрадастаўленнем адміністрацыяй інстытута месца ў інтэрнаце.

28.05.2012 Рамана Васільева арыштавалі на 12 сутак (абноўлена)

Рамана Васільева абвінавацілі ў нецэнзурнай лаянцы і склалі пратакол па артыкуле 17.1 КаАП РБ ("Дробнае хуліганства"). Справу разглядала суддзя Тацяна Мотыль. Згодна з рашэннем суду, сябра "Маладога фронту" атрымаў пакаранне ў выглядзе арышту тэрмінам 12 сутак.

28.05.2012 Кошт абслугоўвання акцыі залежыць ад колькасці "зорачак" на пагонах міліцыянтаў

З Гарадоцкага РАУС спадар Аўтухоў атрымаў адказ без канкрэтных лічбаў, але з паказальным зместам. Аказваецца, расцэнкі працы міліцыянтаў залежаць ад іх звання, і ў залежнасці ад таго, сяржантаў ці маёраў дашлюць на ахову мерапрыемства, будзе разлічаны кошт паслугі.

28.05.2012 Суд над Васілём Парфянковым можа скончыцца кратамі

Заўтра, 29 траўня ў 10 гадзін у судзе Першамайскага раёну Менска распачнецца судовы разгляд крымінальнай справы былога палітвязня Васіля Парфянкова. Яго абвінавачваюць у невыкананні патрабаванняў прэвентыўнага нагляду (арт. 421 КК РБ). Санкцыя артыкулу прадугледжвае арышт тэрмінам да шасці месяцаў альбо пазбаўленне волі тэрмінам да аднаго году.

28.05.2012 Судовыя выканаўцы “прачнуліся”

Крысціна Шацікава просіць спыніць супраць яе выкананне двух пастановаў аб накладанні адміністрацыйных штрафаў у суме 651 тыс рублёў і 1 050 тыс рублёў адпаведна, якія былі вынесены Першамайскім судом Віцебска 15 чэрвеня 2007 года і Партызанскім судом Мінска 26 сакавіка 2008 года.

28.05.2012 Андрэя Моўчана выклікаюць у міліцыю

Зьбітага міліцыяй актывіста «Эўрапейскай Беларусі» Андрэя Моўчана выклікаюць у міліцыю.

28.05.2012 У Пінску будзе свой АМАП

Раней для забяспячэння бяспекі пры правядзенні нейкіх важных мерапрыемстваў у Пінск прывозілі амапаўцаў з Брэста. Чым выклікана неабходнасць фрамавання спецаддзелу міліцыі, невядома. У горадзе няма аніякіх масавых забурэнняў і разгулу вулічнай злачыннасці.

28.05.2012 Шклоўская і круглянская раёнкі прайшліся па прыхільніках байкоту

На мінулым тыдні амаль сінхронна раённыя газеты Магілёўскай вобласці – шклоўская “Ударны фронт” і круглянская “Сельскае жыццё” – надрукавалі артыкул “Напалохаць байкотам”, у якім рэзка крытыкуюцца прыхільнікі байкоту маючых адбыцца выбараў у Палату прадстаўнікоў.

28.05.2012 У справе адвольных затрыманняў былы падпалкоўнік дайшоў да Генеральнага пракурора

Ужо амаль год цягнецца барацьба былога падпалкоўніка салігорскай міліцыі Віктара Малочкі па аднаўленні сваіх грамадзянскіх правоў, парушаных адвольнымі затрыманнямі пад час мінулагадовых акцый “маўклівага” пратэсту ў Салігорску.

28.05.2012 Марыну Коктыш знялі з цягніка Вільня-Мінск

Пра затрыманне Марыны на беларускай мяжы (станцыя Гудагай) паведамілі БАЖ калегі, якія тым жа цягніком вярталіся ў Мінск з канферэнцыі.

28.05.2012 Гомельскія актывісты прапануюць забараніць рэкламу алкаголю

У Гомелі стартавала акцыя з мэтай сабраць 4 тысячы подпісаў пад зваротам да старшыні Палаты прадстаўнікоў Нацыянальнага сходу Беларусі. Сябры кааліцыі «Наша альтэрнатыва» ў межах ініцыятывы «Хопіць піць - трэба жыць!» прапануюць унесці папраўкі ў закон аб рэкламе.

28.05.2012 «Справаводства па-беларуску!» прапаноўвае больш ужываць беларускую мову ў спорце

«Як прыклад мы прывялі стадыён ФК «Гомель», дзе дыктарскае суправаджэнне з гэтага года ідзе па-беларуску, а таксама канал «Беларусь-2», дзе таксама з гэтага сезона некаторыя матчы пачалі каментаваць цалкам па-беларуску, чаго вельмі даўно не было".

28.05.2012 Плакаты “Свабоду Мікалаю Статкевічу” з'явіліся ў Віцебску

На аркушах з партрэтам Мікалая Статкевіча разам з ягоным перадвыбарчым лозунгам “Радзіма. Сумленне. Народ” аднадумцы палітыка дапісалі тое, чаго яны сёння патрабуюць ад беларускага кіраўніцтва: “Свабоду!”.