Праваабарончы цэнтр «ВЯСНА»

Навіны за Жнівень 2011

30.08.2011 Ізноў забаранілі пікет у падтрымку Ліхавіда. Цяпер у Глыбокім

Афіцыйная прычына адмовы — добраўпарадкаваньне тэрыторыі каля Дома культуры, якое будзе праводзіцца ў суботу 3 верасьня.

30.08.2011 Стэфановіч: Маю права падаць зыск у Еўрапейскі суд

Беларускія праваабаронцы могуць абскардзіць дзеянні Польшчы і Літвы па выдачы банкаўскіх рахункаў Алеся Бяляцкага.

30.08.2011 30 жніўня – Міжнародны дзень зьніклых

Адзначаецца гэты дзень з ініцыятывы Міжнароднага камітэту Чырвонага Крыжа, які зьвярнуўся да ўсясьветнай супольнасьці з заклікам даць больш сур’ёзную ўвагу адной з найбольш складаных гуманітарных праблем, якія ўзьнікаюць падчас узброеных канфліктаў.

30.08.2011 Равяка: Супольна шукалі шляхі вырашэння праблемы

29 жніўня ў Вільні адбывалася адмысловая міжнародная сустрэча, на якой абмяркоўвалася справа Алеся Бяляцкага. У ёй бралі ўдзел праваабаронцы з Беларусі ды іншых краінаў, донары і прадстаўнікі ўрадаў еўрапейскіх краінаў.

30.08.2011 Праваабарончая праграма “Людзьмі звацца!” на Радыё Рацыя

У серыі інтэрв’ю з сябрамі ПЦ “Вясна”, які сёлета адзначыў 15-ты год сваёй дзейнасьці, госці рубрыкі “Асоба. Дзяржава. Грамадства” – – кіраўнік Гарадзенскага аддзялення арганізацыі Віктар Сазонаў і прадстаўнік Гомельскага аддзяленьня “Вясны” Анатоль Паплаўны.

29.08.2011 Адкрыты ліст Генеральнага сакратара FIDH Алесю Бяляцкаму

Генеральны сакратар Міжнароднай Федэрацыі правоў чалавека (FIDH) і Кіраўнік Праўлення «Інстытута грамадзянскай супольнасці» Арменіі, Артак Кіракасян напісаў адкрыты ліст Алесю Бяляцкаму.

29.08.2011 Суд над Ігарам Случаком адклалі на 2 дні

29 жніўня ў судзе Савецкага раёна Гомеля прайшло толькі слуханне адміністрацыйнага пратаколу на актывіста.

29.08.2011 Па справе Алеся Бяляцкага дапытаны праваабаронца Андрэй Палуда

29 жніўня ва ўпраўленні Дэпартаменту фінансавых расследванняў Камітэту дзяржкантролю па справе Алеся Бяляцкага быў дапытаны сябра Праваабарончага цэнтру “Вясна” Андрэй Палуда.

29.08.2011 БХД запрашае на Берасцейскі праваабарончы форум па праблеме палітвязняў

Аргкамітэт па стварэнні партыі "Беларуская Хрысціянская Дэмакратыя" запрашае прыняць удзел у чарговым праваабарончым форуме па праблеме палітвязняў, які пройдзе 3 верасня ў Берасце.

29.08.2011 Студэнтаў ЕГУ масава выклікаюць на допыты ў міліцыю і КДБ

На працягу мінулага тыдня, а таксама сёньня, студэнтаў ЕГУ выклікаюць на допыты і прафілактычныя гутаркі ў міліцыю і КДБ.

29.08.2011 Разгляд апошняй справы аб “масавых беспарадках” перанесены на 28 верасьня

У судзе Маскоўскага раёна Мінска пачаўся разгляд справы апошяга з абвінавачаных ва ўдзеле ў “масавых беспарадках 19 сьнежня 2010 года” Сьвятаслава Барановіча. У працэсе абвешчаны перапынак да 28 верасьня, абвінавачанаму зьмянілі меру стрыманьня на падпіску аб нявыязьдзе.

29.08.2011 Журналістку Радыё Рацыя выклікаюць у падатковую інспекцыю

Журналістку Радыё Рацыя Гражыну Шалкевіч выклікаюць на размову ў падатковую інспекцыю. Адпаведнае паведамленне прыйшло з Інспекцыі па падатках і зборах Рэспублікі Беларусь па Ленінскім раёне Гродна.

29.08.2011 Праваабаронца Стэфановіч хоча вярнуцца ў Беларусь

Прадстаўнік праваабарончай арганізацыі "Вясна" Валянцін Стэфановіч праз месяц зьбіраецца вярнуцца ў Беларусь з Літвы. Інфармацыю пра яго банкаўскія рахункі Літва, як і ў выпадку з Алесем Бяляцкім, перадала Беларусі.

29.08.2011 Рупліўца беларушчыны затрымалі спэцназаўцы

У Гомелі 26 жніўня затрымалі грамадзкага актывіста Ігара Случака. Ён пасьпеў паведаміць па тэлефоне БелаПАН, што яго затрымалі супрацоўнікі спэцназу і даставілі ў АУС Савецкага раёну Гомелю. Паводле слоў Случака, яго абвінавацілі ў нецэнзурнай лаянцы ў грамадзкім месцы (дробнае хуліганства, арт.17.1 КоАП).

26.08.2011 Уладзімір Лабковіч: сябраў Партыі БНФ перасьледуюць па палітычных матывах

Сябра Рады Праваабарончага цэнтру “Вясна” Уладзімір Лабковіч лічыць, што ўзбуджэньне крымінальнай справы ў дачыненьні сябраў Партыі БНФ Алеся Каліты, Сяржука Семянюка і Максіма Губарэвіча “безумоўна, трэба разглядаць, як палітычны перасьлед”.