Праваабарончы цэнтр «ВЯСНА»

Навіны за Чэрвень 2010

16.06.2010 Суд над барысаўскімі актывістамі перанесены на 25 чэрвеня

На 25 чэрвеня перанесены ў Барысаве разгляд адміністратыўных спраў, узбуджаных на падставе артыкулаў 23.34 (парушэньне парадку арганізацыі ці правядзеньня масавага мерапрыемства або пікетаваньня), 23.4 (непадпарадкаваньне законнаму распараджэньню ці патрабаваньню службовай асобы пры выкананьні ім службовых паўнамоцтваў) супраць грамадзкіх актывістаў Аляксандра Абрамовіча і Алены Ясюк.

16.06.2010 Аляксандр Кузьняцоў пакараны штрафам

Паводле рашэньня адміністрацыйнай камісіі Першамайскага райвыканкаму кіраўнік віцебскай “Моладзі БНФ” Аляксандар Кузьняцоў “засьмечваў горад” сваімі перадвыбарчымі агітацыйнымі плякатамі.

16.06.2010 У падтрымку Яўгена Якавенкі

15 чэрвеня ў Менску адбыўся “ круглы стол” па тэме: “Абарона беларускай мовы ў Беларусі: Яўген Якавенка”. Яго правядзеньне было ініцыявана БХД. Праваабаронцы, палітыкі і грамадскія дзеячы ўсебакова абмеркавалі справу прызыўніка з Гомелю Яўгена Якавенкі, якога асудзілі да 1 года так званай “хіміі” за патрабаваньне ад ваенкамату позвы на роднай мове.

16.06.2010 У Мінску на некалькі гадзінаў затрымлівалі журналістак

Журналістак Насту Краўчук і Вольгу Жарнасек затрымалі 15 чэрвеня каля будынку БДУ. Яны прыехалі на асвятленне акцыі актывістаў кампаніі «Гавары праўду», якія раздавалі будучым студэнтам улёткі са зваротам Уладзіміра Някляева.

15.06.2010 “Скажы: НЕ – смяротнаму пакаранню!” – на YouTube

Відэаролік “Скажы: НЕ – смяротнаму пакаранню!” прэзентаваны на YouTube ў межах кампаніі “Праваабаронцы супраць смяротнага пакарання ў Беларусі”.

15.06.2010 «Міжнародная амністыя» правядзе тэрміновую кампанію ў абарону правоў Яўгена Якавенкі

15 чэрвеня ў Мінску на пасяджэнні круглага стала, прысвечанага падтрымцы Яўгена Якавенкі, праваабаронца Валянцін Стэфановіч паведаміў, што сусветная праваабарончая арганізацыя "Міжнародная амністыя" рыхтуецца да правядзення тэрміновай кампаніі з патрабаваннем адмяніць прысуд Яўгену Якавенку.

15.06.2010 У Магілёве таксама пільнуюць "праўду"

Трое супрацоўнікаў спецпадразьдзяленьня міліцыі затрымалі Кірыла Грыхіна ў Магілёве каля будынка Беларуска-расейскага ўніверсітэту падчас раздачы віншавальных паштовакі ад імя кіраўніка грамадзкай ініцыятывыі "Гавары праўду" Ўладзімера Някляева.

15.06.2010 Суд застаўся на баку Міхайлава

Сёньня, 15 чэрвеня, Менскі абласны суд разгледзеў касацыйны пратэст дзяржаўнага абвінаваўцы Даўбнюк Л.П. на апраўдальны прысуд суду Менскага раёну, вынесены па крымінальнай справе верніка Яна Міхайлава. Суд пакінуў апраўдальны прысуд у сіле.

15.06.2010 Пра акцыю «Ланцуг неабыякавых людзей» даведаліся ў ААН

Гомельскі праваабаронца Анатоль Паплаўны, прыцягнутыя да адміністратыўнай адказнасці за ўдзел у акцыі «Ланцуг неабыякавых людзей», накіраваў індывідуальную скаргу ў Камітэт ААН па правах чалавека. Праваабаронца просіць устанавіць факт парушэння з боку Беларусі яго правоў на справядлівае судовае разбіральніцтва, выказванне меркавання і правядзенне мірнага сходу.

15.06.2010 Прадпрымальнік Мікалай Чарнавус шукае праўды

15 чэрвеня прадпрымальнік з Баранавічаў Мікалай Чарнавус накіраваў заяву Прэзідэнту Рэспублікі Беларусь Аляксандру Лукашэнку, старшыням Савета Рэспублікі і Палаты прадстаўнікоў. Ад імя баранавіцкіх прадпрымальнікаў ён скардзіцца на незаконныя дзеянні гомельскай мытні. Яшчэ ў 2009 годзе мытнікі незаконна адабралі тавар у прадпрымальніцы Ніны Іванашка.

15.06.2010 Лідзія Ярмошына: «Гэта альбо правакацыя, альбо танная сенсацыя…»

У інтэрнеце пайшлі гуляць чуткі, што быццам бы 16 чэрвеня Палата прадстаўнікоў Нацыянальнага сходу Беларусі разгледзіць на сваім пасяджэнні праект пастановы ніжняй палаты аб прызначэнні прэзідэнцкіх выбараў. І ў адпаведнасці з праектам гэтага дакумента, падрыхтаваным спецыяльна створанай дэпутацкай групай, прэзідэнцкія выбары прапаноўваецца прызначыць на 26 верасня.

15.06.2010 Студэнтам-завочнікам адмянілі адтэрміноўку ад войска

Дэпутата Палаты прадстаўнікоў прынялі ў другім чытанні папраўкі ў закон аб вайсковым абавязку і вайсковай службе. Як паведамляе БелаПАН, законапраект таксама адмяняе для завочнікаў адтэрміноўку ад прызыву на тэрміновую вайсковую службу.

15.06.2010 Затрыманы моладзевыя актывісты АГП і кампаніі "Гавары праўду!"

Сёння падчас здымкаў сюжэта у двары БДУ аховай затрыманая здымачная група тэлеканала "Белсат", пашкоджаная камера. Таксама затрыманыя моладзевыя актывісты АГП Аляксандр Сцепаненка, Міхась Пашкевіч, Дзмітрый Кавалгін, якіх абвінавачваюць у распаўсюдзе незарэгістраванай друкаванай прадукцыі.

14.06.2010 Паседжанне міжнароднай камісіі па Саюзе палякаў зноў перанеслі

Паседжанне беларуска-польскай камісіі, запланаванае на пачатак чэрвеня, перанесена на нявызначаны час. Як нагадвае "Беларускі партызан", менавіта гэтая камісія мусіць высветліць прычыны канфлікту вакол непрызнанага ўладамі Беларусі Саюзу палякаў

14.06.2010 Судовае паседжаньне па справе Аляксандра Рамановіча перанесенае на 16 чэрвеня

Суд па адміністрацыйнай справе сябра партыі БНФ і актывіста руху “За свабоду” Аляксандра Рамановіча перанесены на 16 чэрвеня. Прычынай паслужыла пагаршэньне стану здароўя ягонага брата, які прысутнічаў на працэсе.