Праваабарончы цэнтр «ВЯСНА»

Навіны за Чэрвень 2010

14.06.2010 Смяротнае пакаранне. У пошуках афіцыйнай статыстыкі. Працяг

Нарэшце праваабаронцы атрымалі адказ з Міністэрства юстыцыі Рэспублікі Беларусь на запыт аб колькасці вынесеных і выкананых смяротных прысудаў з 1990 па 2009 год. Пра выкананыя смяротныя прысуды Міністэрства юстыцыі інфармацыю не прадаставіла.

14.06.2010 Правакацыя супраць праваабаронцы Салаўёва

Праваабаронца Зміцер Салаўёў атрымаў адказ на сваю скаргу з Пракуратуры горада Наваполацка. Праваабаронца заяўляе, што факты, выкладзеныя ў адказе за подпісам Пракурора горада А.Т. Аўсюка, з’яўляюцца правакацыяй.

14.06.2010 Затрыманых за пікет барысаўскіх актывістаў ня могуць знайсці праваабаронцы

Пад час правядзеньня пікету супраць будаўніцтва АЗС у барысаўскім мікрараёне Лядзішча сёньня былі затрыманыя мясцовыя актывісты Алесь Абрамовіч і Алена Ясюк.

14.06.2010 Паўстане незалежны студэнцкі прафсаюз?

Ініцыятыва стварыць незалежны студэнцкі прафсаюз прагучала на канферэнцыі па правах чалавека ў Мінску 13 чэрвеня. Арганізатарамі канферэнцыі выступілі актывісты маладзёжнай прафсаюзнай групы «Студэнцкая рада», якая існуе з 2008 года.

14.06.2010 «Intex-press» зноў не вярнулі ў дзяржаўную сістэму распаўсюду

Паразай скончылася спроба баранавічскай незалежнай газеты «Intex-press» трапіць у дзяржаўную сістэму распаўсюду ў II паўгоддзі 2010 года.

14.06.2010 Слонім: на актывістаў БНФ складзены пратаколы за пераход вуліцы

Са слоў Аляксандра Гарасюка, яго і Паўла Севасьцяна затрымаў супрацоўнік ДАІ, калі яны ішлі па ходніку ў накірунку гарадзкога парка. Ён запатрабаваў, каб яны селі ў машыну для складаньня пратакола за парушэньне правілаў пераходу вуліцы.

11.06.2010 Што стрымлівае ўлады Беларусі ад прыняцьця станоўчага рашэньня па праблеме адмены сьмяротнага пакараньня?

Кіраўніцтва Беларусі дэманстратыўна не жадае рабіць крокі насустрач Еўропе ў пытаньні адмены сьмяротнага пакараньня ці ўвядзеньня мараторыя на яго выкананьне. Пры гэтым, вышэйшыя чыноўнікі неаднаразова заяўлялі, што час нібыта сасьпеў, аднак замест кроку наперад робіцца два назад. Чаму? Каб падкрэсліць сваю непахіснасьць, цьвердасьць у прыманьні ўласных рашэньняў, а не з улікам аказваемага ціску.

11.06.2010 Гомель: праваабаронцы б'юць у адну кропку

Сёння, 11 чэрвеня, праваабаронцы Анатоль Паплаўны і Леанід Судаленка накіравалі ў суд Цэнтральнага раёна Гомеля скаргі па факце забароны мясцовымі ўладамі правядзення пікетаў у Міжнародны Дзень абароны дзяцей 1 чэрвеня. Гомельскаму гарвыканкаму ў судзе давядзецца даказаць правамернасць абмежавання права на свабоду правядзення мірных сходаў і свабоду выказвання свайго меркавання.

11.06.2010 Газэта "Новы час" атрымала папярэджаньне Мінінфармацыі

Пасьля "Народнай Волі" улады “ўзяліся” за «Новы час». Міністэрства інфармацыі вінаваціць "Новы час" у тым, што ў выходных дадзеных не пазначаныя імя па бацьку галоўнага рэдактара, штрыхавы ідэнтыфікацыйны код, а таксама не названы рэспубліканскі орган дзяржаўнага кіраваньня ў сфэры масавай інфармацыі.

11.06.2010 На мяжы затрымалі газэту "Товарищ"

На беларуска-расейскай мяжы на шляху з Расеі ў Беларусь міліцыянты затрымалі аўтамабіль з накладам газэты "Товарищ" партыі "Справядлівы сьвет". Пра гэта "Свабодзе" паведаміў намесьнік рэдактара Зьміцер Яненка, які суправаджаў груз.

11.06.2010 Гістарычны цэнтр пад пагрозай поўнага вынішчэння

10 чэрвеня адбыўся сумесны брыфінг старшыні Беларускага добраахвотнага таварыства аховы помнікаў гісторыі і культуры і жыхароў дома 32 па вул. Рэвалюцыйнай ў г.Мінску. Жыхарам дома пагражае адсяленне з кватэр, якія знаходзяцца ў іх прыватнай уласнасці, а дому, помніку архітэктуры 19 ст. − знішчэнне з наступным узвядзеннем на яго месцы новага камерцыйнага аб’екта, што стала апошнімі гадамі правілам у Гістарычным цэнтры Мінска.

11.06.2010 Віталя Каваленку аштрафавалі на 105 тысяч рублёў, як і брата-апазыцыянэра

Судзьдзя Першамайскага райсуду Віктар Калбун агучыў рашэньне, згодна зь якім Віталь Каваленка прызнаны вінаватым у дробным хуліганстве. Такое самае пакараньне прысуджана 7-га чэрвеня Сяргею Каваленку.

11.06.2010 Міколу Дземідзенку абвінавацілі ў расклейцы ўлётак па Віцебску

Паводле адміністрацыйнага заканадаўства міліцыянты кваліфікавалі гэта як забруджваньне гораду.

11.06.2010 Брыфінг кампаніі «Стоп 193.1!» у Вільні

10 чэрвеня Асамблея няўрадавых дэмакратычных арганізацыяў супольна з Домам правоў чалавека ў Вільні зладзілі брыфінг на тэму “Артыкул 193-1: крымінальная адказнасьць за дзейнасьць NGO ў Беларусі”. Мерапрыемства адбылося за некалькі гадзінаў да пачатку IV рэгіянальнага кангрэсу НДА, на які зьяжджаюцца прадстаўнікі арганізацыяў Цэнтральна-Ўсходняй Эўропы, Каўказу і Балтыі.

10.06.2010 Алесь Бяляцкі бярэ ўдзел у канферэнцыі АБСЕ ў Капенгагене

10 – 11 чэрвеня ў Капенгагене (Данія) праходзіць канферэнцыя АБСЕ з нагоды 20-ай гадавіны падпісання Капенгагенскіх пагадненняў. Ад беларускіх НДА на канферэнцыю запрошаны віцэ-прэзідэнт Міжнароднай Федэрацыі за правы чалавека (FIDH), кіраўнік Праваабарончага Цэнтру “Вясна” Алесь Бяляцкі.