«Міжнародная амністыя» правядзе тэрміновую кампанію ў абарону правоў Яўгена Якавенкі

15 чэрвеня ў Мінску на пасяджэнні круглага стала, прысвечанага падтрымцы Яўгена Якавенкі, праваабаронца Валянцін Стэфановіч паведаміў, што сусветная праваабарончая арганізацыя "Міжнародная амністыя" рыхтуецца да правядзення тэрміновай кампаніі з патрабаваннем адмяніць прысуд Яўгену Якавенку. Пра гэта піша БелаПАН.

Праваабаронца паведаміў пра прысуд Якавенку ў "Міжнародную амністыю", апісаў абставіны справы і даслаў копію прысуду.

"Я напісаў, што малады чалавек патрабаваў альтэрнатыўнай службы з-за яго перакананняў. У адказ мне прыйшло паведамленне, што" Міжнародная амністыя" збіраецца пачаць кампанію тэрміновых паведамленняў на імя прэзідэнта Беларусі, у Вярхоўны суд і Генеральную пракуратуру з патрабаваннем адмяніць прысуд Якавенку", - сказаў Стэфановіч.